തിരുവനന്തപുരം: പ്രാണപ്രതിഷ്ഠയെ അനുകൂലിച്ച് നിലപാടെടുത്ത ചിത്രയെ അടച്ചാക്ഷേപിക്കാനുള്ള നീക്കത്തില്‍ യോജിപ്പില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്. കെ.എസ്. ചിത്രയെ പോലുള്ള പ്രതിഭ എടുത്ത നിലപാട് വിമര്‍ശിക്കപ്പെടുകയാണ്. ചിത്രയും ശോഭനയും എല്ലാം നാടിന്റെ സ്വത്ത് ആണ്. അവരെ ഏതെങ്കിലും കള്ളിയില്‍ ആക്കേണ്ട കാര്യം ഇല്ലെന്നും എം.വി. ഗോവിന്ദന് വാര്‍ത്താ സമ്മേളനത്തില്‍ പറഞ്ഞു.
ഏതെങ്കിലും പദപ്രയോഗത്തിന്റെ പേരില്‍ എംടി അടക്കം ആരേയും തള്ളി പറയേണ്ട കാര്യം ഇല്ല. മോഹന്‍ലാല്‍, മമ്മൂട്ടി, എംടി, എം. മുകുന്ദന്‍, ശോഭന, ചിത്ര തുടങ്ങിയവരെല്ലാം രാജ്യത്തിന്റെ പ്രതിഭകളാണെന്നും എം.വി.ഗോവിന്ദന് പറഞ്ഞു.
പ്രാണപ്രതിഷ്ഠാ ദിനത്തില്‍ വീടുകളില്‍ നിലവിളക്ക് തെളിയിക്കണം എന്നു പറഞ്ഞ ചിത്രയെ കടന്നക്രമിക്കുകയും അവഹേളിക്കുകയും ചെയ്തത് പാര്‍ട്ടി അനുഭാവികളും സൈബര്‍ സഖാക്കളുമായിരുന്നു. ഇതിനെതിരെ വ്യാപക പ്രതിഷേധം ഉയര്‍ന്നിട്ടിട്ടും സിപിഎം നിലപാട് വ്യക്തമാക്കിയിരുന്നില്ല. സൈബര്‍ ആക്രമണം ഒരുപരിധിവരെ അവസാനിച്ചശേഷം നിലപാട് വ്യക്തമാക്കി രംഗത്ത് എത്തിയത് തെരഞ്ഞെടുപ്പ് ലക്ഷ്യം വച്ചാണെന്ന ആക്ഷേപം ഉയര്‍ന്നിട്ടുണ്ട്.
പ്രതികരിക്കാൻ ഇവിടെ എഴുതുക: