ന്യൂദല്ഹി : അയോധ്യയിലെ ശ്രീരാമക്ഷേത്ര പ്രതിഷ്ഠാ ചടങ്ങിലേക്ക് വനിതാ ക്രിക്കറ്റ് താരം മിഥാലി രാജിനെ ക്ഷണിച്ചു. മിഥാലി രാജ് തന്നെയാണ് ഇതുസംബന്ധിച്ച ചിത്രവും വിവരവും എക്സ് പ്ലാറ്റ്ഫോമില് പങ്കുവച്ചത്.
മിഥാലിയുടെ അസാന്നിധ്യത്തില് അമ്മയാണ് ക്ഷണക്കത്ത് കൈപ്പറ്റിയത്.അയോധ്യയിലെ ശ്രീരാമക്ഷേത്ര പ്രതിഷ്ഠാ ചടങ്ങിലേക്കുള്ള ക്ഷണം ലഭിച്ചതില് ഭാഗ്യവതിയാണെന്നും അമ്മയാണ് ക്ഷണക്കത്ത് കൈപ്പറ്റിയതെന്നും മിഥാലി എക്സില് കുറിച്ചു.
ഈ മാസം 22-നാണ് അയോധ്യയില് പ്രതിഷ്ഠാ ചടങ്ങ്.രാഷ്ട്രീയ നേതാക്കള്, കായിക താരങ്ങള്, ചലച്ചിത്ര താരങ്ങള്, മറ്റു നിരവധി പ്രമുഖര് തുടങ്ങിയവര് ചടങ്ങില് പങ്കെടുക്കും.
