അയോധ്യ : അയോധ്യയില് പ്രതിഷ്ഠിക്കുന്ന രാംലല്ല വിഗ്രഹത്തിന്റെ ചിത്രങ്ങള് പുറത്തു വിട്ടു. ശ്രീരാമന്റെ ബാലക രൂപത്തിലുള്ള വിഗ്രഹമാണ് ഇത്. ക്ഷേത്രത്തിലെ ഗര്ഭഗൃഹത്തില് വിഗ്രഹം സ്ഥാപിച്ചു.
കേന്ദ്ര മന്ത്രി ശോഭ കരന്ദ്ലാജെയാണ് വിഗ്രഹത്തിന്റെ ആദ്യ ഫോട്ടോ എക്സ് പ്ലാറ്റ്ഫോമില് പങ്കുവച്ചത്.നാലര അടി ഉയരമുണ്ട് രാംലല്ലയുടെ വിഗ്രഹത്തിന്.
വിഗ്രഹത്തിന് ചുറ്റുമുള്ള പ്രഭാവലയത്തില് മഹാവിഷ്ണുവിന്റെ 10 അവതാരങ്ങളെ കൊത്തിയെടുത്തിട്ടുണ്ട്.മൈസൂരു സ്വദേശിയായ അരുണ് യോഗിരാജ് ആണ് രാം ലല്ല വിഗ്രഹം കൊത്തിയെടുത്തത്. 51 ഇഞ്ച് വലുപ്പമുള്ള ശ്രീരാമന്റെ ബാലകരൂപമാണ് സ്ഥാപിച്ചിട്ടുളളത്.
വ്യാഴാഴ്ച ഉച്ചയോടെ ശ്രീകോവിലില് രാമലല്ല വിഗ്രഹം സ്ഥാപിച്ചു.
