ന്യൂദല്ഹി: പ്രാണപ്രതിഷ്ഠാ ചടങ്ങുകള്ക്ക് മുന്നോടിയായി അയോദ്ധ്യയിലെ കാലാവസ്ഥാ വിവരങ്ങള് അറിയിക്കുന്നതിനായി കാലാവസ്ഥാ വകുപ്പ് പുതിയ വെബ്പേജ് ആരംഭിച്ചു. അയോദ്ധ്യയിലെയും സമീപത്തെ പ്രധാന നഗരങ്ങളിലെയും കാലാവസ്ഥാ വിവരങ്ങള് ഇതിലൂടെ അറിയാനാകും. താപനില, മഴ, കാറ്റ് എന്നിവയുള്പ്പെടെയുള്ള എല്ലാ വിവരങ്ങളും പേജില് അടങ്ങിയിട്ടുണ്ട്.
അയോദ്ധ്യയ്ക്കു പുറമെ പ്രയാഗ്രാജ്, വാരാണസി, ലഖ്നൗ, ദല്ഹി എന്നിവിടങ്ങളിലെ കാലാവസ്ഥാ വിവരങ്ങളാണ് വെബ്പേജില് ലഭ്യമാകുക. ഹിന്ദി, ഇംഗ്ലീഷ്, ഉറുദു, ചൈനീസ്, ഫ്രഞ്ച്, സ്പാനിഷ് തുടങ്ങിയ ഭാഷകളില് ഈ വിവരങ്ങള് ലഭിക്കും. ഏഴ് ദിവസത്തെ കാലാവസ്ഥാ പ്രവചനവും സൂര്യോദയ-സൂര്യാസ്തമയ സമയവും അടങ്ങിയ കാലാവസ്ഥാ ബുള്ളറ്റിന് ഹിന്ദിയിലും ഇംഗ്ലീഷിലും ലഭിക്കും.
