ആലപ്പുഴ : പുതിയകാവ് സെന്റ് മേരീസ് ഓര്‍ത്തഡോക്‌സ് കത്തീഡ്രല്‍ പെരുന്നാള്‍ റാസക്ക് സ്വീകരണം ഒരുക്കി മാവേലിക്കര താലൂക്ക് എന്‍എസ്എസ് യൂണിയന്റെ കീഴിലുള്ള പുതിയകാവ് ഭദ്രകാളി ക്ഷേത്രം.റാസ ക്ഷേത്രനടയില്‍ നിര്‍ത്തി പ്രത്യേക പ്രാര്‍ഥനകളും വാഴ്‌ത്തും നടത്തി. എന്‍എസ്എസ് യൂണിയന്‍ ഭാരവാഹികള്‍ ക്ഷേത്രനടയില്‍ നിലവിളക്കു തെളിച്ചു.
ഓര്‍ത്തഡോക്‌സ് സഭ ഭദ്രാസന സെക്രട്ടറി ഫാ. ജോണ്‍സ് ഈപ്പന്‍, വികാരി ഫാ. അജി കെ തോമസ്, സഹവികാരി ഫാ. ബൈജു തമ്പാന്‍, ട്രസ്റ്റി പി ഫിലിപ്പോസ്, സെക്രട്ടറി വി ടി ഷൈന്‍ മോന്‍, കണ്‍വീനര്‍ സജി പി ജോഷ്വ എന്നിവര്‍ പരിപാടിയില്‍ സംബന്ധിച്ചു. എന്‍എസ്എസ് താലൂക്ക് യൂണിയന്‍ പ്രസിഡന്റ് ഡോ. പ്രദീപ് ഇറവങ്കര, സെക്രട്ടറി വി ആര്‍ സാനിഷ് കുമാര്‍ എന്നിവര്‍ സംസാരിച്ചു.
പുതിയകാവ് ക്ഷേത്രത്തിലെ പറയ്‌ക്കെഴുന്നള്ളത്ത് ആരംഭിക്കുമ്പോള്‍ പുതിയകാവ് കുരിശടിയിലെത്തി മെഴുകുതിരി തെളിക്കുന്നത് ദേശത്തിന്റെ മതമൈത്രിയുടെ പ്രതീകമാണ്.വര്‍ഷങ്ങളായി നടന്നുവരുന്ന ആചാരത്തിന്റെ തുടര്‍ച്ചയാണിത്.
പ്രതികരിക്കാൻ ഇവിടെ എഴുതുക: