ബംഗളുരു: അയോധ്യ ശ്രീരാമക്ഷേത്ര പ്രതിഷ്ഠാ ചടങ്ങിനോടനുബന്ധിച്ച് അക്ഷതം വിതരണം ചെയ്യവെ ഒരു സംഘം ആക്രമിച്ചതായി യുവാവിന്റെ പരാതി നല്കി. ദക്ഷിണ കന്നഡ ജില്ലയിലെ പുത്തൂര് സ്വദേശി സന്തോഷ് ആണ് ആക്രമണം നേരിട്ടതായി പരാതി നല്കിയത്.
തിങ്കളാഴ്ച വൈകിട്ട് മുണ്ടൂര് മേഖലയില് അക്ഷതം വിതരണം ചെയ്യവെയാണ് ആക്രമണമുണ്ടായതെന്ന് സന്തോഷ് പറഞ്ഞു. പ്രദേശവാസിയായ ധനജ്ഞയും സംഘവുമാണ് അക്രമിച്ചത്. അക്ഷതം വിതരണം ചെയ്യരുതെന്ന് വിലക്കിയെങ്കിലും അത് കൂട്ടാക്കാതിരുന്നതോടെ സംഘം ആക്രമിക്കുകയായിരുന്നു. അക്രമം തടയാന് എത്തിയ മാതാവിനെയും അക്രമികള് മര്ദ്ദിച്ചെന്ന് സന്തോഷ് വെളിപ്പെടുത്തി.
സംഭവത്തില് പരിക്കേറ്റ സന്തോഷും അമ്മയും പുത്തൂരിലെ സ്വകാര്യ ആശുപത്രിയില് ചികിത്സയിലാണ്. പൊലീസ് അന്വേഷണം ആരംഭിച്ചു. സന്തോഷിനെയും മാതാവിനെയും ആക്രമിച്ചവര്ക്കെതിരെ ശക്തമായ നടപടി കൈക്കൊളളണമെന്ന് പ്രാദേശിക ബിജെപി നേതൃത്വം ആവശ്യപ്പെട്ടു. ആശുപത്രിയില് കഴിയുന്ന സന്തോഷിനെയും മാതാവിനെയും ബിജെപി നേതാക്കള് സന്ദര്ശിച്ചു.
