മുംബയ്: ഓടുന്ന ഇരുചക്രവാഹനത്തില്‍ സ്ത്രീയും പുരുഷനും ആലിംഗനം ചെയ്ത് ചുംബിക്കുന്ന ചിത്രങ്ങള്‍ സമൂഹമാധ്യമങ്ങളില്‍ വൈറലായി. അതേസമയം ഇരുവര്‍ക്കുമെതിരെ വിമര്‍ശനങ്ങളും പടരുകയാണ്.ഇരുവര്‍ക്കുമെതിരെ കര്‍ശന നടപടിയെടുക്കണമെന്നാണ് ആവശ്യം.
ഇരുവരും മുംബൈയിലെ ഹൈവേയിലൂടെ ബൈക്കില്‍ ഹെല്‍മെറ്റില്ലാതെ പ്രണയലീലകളില്‍ ഏര്‍പ്പെടുന്ന ദൃശ്യങ്ങള്‍ മറ്റൊരാളാണ് ചിത്രീകരിച്ചിരിക്കുന്നത്.
അപകടമുണ്ടാക്കുന്ന രീതിയാണിതെന്ന് നിരലധി പേര്‍ സമൂഹമാധ്യമങ്ങളില്‍ കുറിച്ചു. ഇരുചക്ര വാഹനം ഓടിക്കുന്ന പുരുഷന് അഭിമുഖമായി ഇന്ധന ടാങ്കില്‍ ഇരിക്കുന്ന യുവതി പുരുഷനെ ആലംഗനം ചെയ്യുന്നു.പുരുഷന് യുവതിയെ ചുംബിക്കുന്നുമുണ്ട്. ഒരു പുതപ്പ് കൊണ്ട് ഇരുവരും ശരീരം പുതച്ചിട്ടുമുണ്ട്.
മറ്റൊരാളാണ് ഇത് സാമൂഹ്യമാധ്യമങ്ങളില്‍ പോസ്റ്റ് ചെയ്തത്. ഇതോടെ പൊലീസ് ഇടപെട്ടു. ദൃശ്യങ്ങളിലെ യുവതീ യുവാക്കള്‍ക്ക് പിഴ ചുമത്തിയതായി ഗാസിയാബാദ് ട്രാഫിക് പൊലീസ് ട്വിറ്ററിലൂടെ അറിയിച്ചു. ഹെല്‍മെറ്റിന്റെ അഭാവം, തെറ്റായ നമ്പര്‍ പ്ലേറ്റ്, വായു മലിനീകരണ മാനദണ്ഡങ്ങളുടെ ലംഘനം, പൊതുസ്ഥലത്ത് അനധികൃത റേസിംഗ് എന്നിവയ്‌ക്ക് ഉള്‍പ്പെടുന്ന ഒന്നിലധികം നിയമലംഘനങ്ങള്‍ക്ക് 21,000 രൂപയാണ് പിഴയിട്ടത്.
പ്രതികരിക്കാൻ ഇവിടെ എഴുതുക: