പാളംതെറ്റി പായുന്ന
തീവണ്ടിക്കുള്ളില്‍
താളംതെറ്റിയ സംഘഗാനംപോലെ
മുഴങ്ങുന്ന മുദ്രാവാക്യങ്ങളും
പ്രാര്‍ത്ഥനകളും.
ഇളകിയാടുന്ന ഇരിപ്പിടത്തില്‍
തലകുത്തി നില്‍ക്കുന്നരാജാവ്
പാഠപുസ്തകത്തില്‍
ലഹരി പൊതിഞ്ഞ്
ഒളിച്ചു കടത്തുന്ന പാഠശാലകള്‍
വേവാത്ത മത വചനങ്ങളില്‍
വിഷംപുരട്ടി
തെരുവില്‍ വില്‍ക്കുന്ന
പുരോഹിതന്മാര്‍,
നിലച്ചുപോയ ഘടികാരത്തിനുള്ളില്‍
ദൈവത്തിനു കല്ലറ പണിയുന്ന മാലാഖമാര്‍ .
മരിക്കാത്തമനുഷ്യന്റെ
സ്വപ്‌നങ്ങള്‍ പോലും കട്ടെടുത്ത് കടത്തുന്ന ഭിഷഗ്വരന്മാര്‍
ആളിക്കത്തുന്ന
പുറം കാഴ്‌ച്ചകളില്‍
ഉണങ്ങാനിട്ട തലച്ചോറുമായി
കലഹിക്കുന്ന ചാനല്‍ മേശകള്‍ .
കരളുറപ്പിന്റെ കാതല്‍ കാഴ്ചകളില്‍
പെരുകുന്ന പൂതല്‍ പുഴുക്കള്‍
കടും വര്‍ണ്ണ പൊയ്‌മുഖ കാഴ്ച്ചകള്
ജന്മഭൂമി ഓണ്‍ലൈന്‍