ന്യൂദല്‍ഹി: അയോധ്യാക്ഷേത്രത്തിലെ രാമപ്രതിഷ്ഠയുടെ ഭാഗമായി ഇനി 121 ആചാര്യന്മാര്‍ക്കൊപ്പം പ്രധാനമന്ത്രി മോദിയും കഠിനവ്രതം ആചരിക്കും. വ്രതം അനുഷ്ഠിക്കുന്നവര്‍ 11 നാളുകള്‍ വെറും നിലത്ത് നിലത്ത് കിടന്നാണ് ഉറങ്ങേണ്ടത്. നാലോ അഞ്ചോ മണിക്കൂർ മാത്രമേ ഉറങ്ങാൻ പാടുള്ളു.
വ്രതം നോൽക്കുന്നവർ സാത്വികഭക്ഷണമായിരിക്കണം കഴിക്കേണ്ടത്. പൂർണ്ണമായും സസ്യാഹാരമായിരിക്കണം വ്രതമെടുക്കുന്ന ദിവസങ്ങളിൽ കഴിക്കേണ്ടത്. വ്രതമെടുക്കുന്നയാൾ രാവിലെ ബ്രാഹ്മമുഹൂർത്തത്തിൽ ഉണരണം. കുളി കഴിഞ്ഞ് പൂജാ പരിപാടികൾ തുടങ്ങും. യോഗയും ഈ ദിനചര്യയിൽ ഉൾപ്പെടുത്തിയിട്ടുണ്ട്. ധ്യാനത്തിലും ആരാധനയിലും പ്രത്യേകം ശ്രദ്ധപുലർത്തണമെന്നും അദ്ദേഹം അറിയിച്ചു.
സമയം കിട്ടുമ്പോൾ മന്ത്രസാധന ചെയ്യണം. സാധാരണയായി ഗായത്രി മന്ത്രം ജപിക്കാറുണ്ട്. ഗായത്രി മന്ത്രത്തോടൊപ്പം നമ്മുടെ ഇഷ്ടദേവനെയും ആരാധിക്കാമെന്നും അദ്ദേഹം കൂട്ടിച്ചേർത്തു. ചരിത്രപരമായ ഈ നിമിഷത്തിൽ എല്ലാ ഇന്ത്യക്കാരുടെയും പ്രതിനിധിയാകാൻ ദൈവം തന്നെയൊരു ഉപകരണമാക്കിയതാണെന്ന് കഴിഞ്ഞ ദിവസം വ്രതം ആരംഭിച്ചതിന്റെ ഭാഗമായി മോദി പ്രതികരിച്ചിരുന്നു. തന്റെയുള്ളിലെ ദിവ്യമായ ബോധത്തെ താൻ ഉണർത്തുമെന്നും മോദി പറഞ്ഞിരുന്നു.
അയോധ്യയില്‍ രാം ലല്ലയുടെ പ്രാണ പ്രതിഷ്ഠാ ചടങ്ങിന് ഇനി ഒമ്പത് ദിവസങ്ങള്‍ മാത്രമാണുള്ളത്.
പ്രതികരിക്കാൻ ഇവിടെ എഴുതുക: