കോഴിക്കോട്: സ്ത്രീകൾക്ക് പരിഗണന നൽകിയിട്ടില്ലാത്ത പാർട്ടിയാണ് സിപിഎം എന്ന് കെ മുരളീധരന്‍ എംപി. പ്രകാശ് കാരാട്ടിന്റെ ഭാര്യ ആയതുകൊണ്ടാണ് വൃന്ദ കാരാട്ട് ഇവിടെ വരെ എത്തിയത്. അല്ലാതെ ഒരു സ്ത്രീകളും അവിടെ ഇത്രയും എത്തിയിട്ടില്ല. സ്ത്രീകളെ പ്രവേശിപ്പിക്കാത്ത പാര്‍ട്ടിയാണ് സിപിഎം എന്നും കെ മുരളീധരന്‍ പറഞ്ഞു.
ലോക്‌സഭാ തിരഞ്ഞെടുപ്പിലെ മുസ്ലിം ലീഗിന്റെ മൂന്നാം സീറ്റ് ആരോപണം കീറാമുട്ടി ആവില്ലെന്നും കെ മുരളീധരന്‍ പറഞ്ഞു. സീറ്റ് സംബന്ധിച്ച കാര്യങ്ങള്‍ ചര്‍ച്ച ചെയ്ത് പരിഹരിക്കും. സീറ്റിന്റെ പേരില്‍ തര്‍ക്കമുണ്ടാവില്ലെന്നും കെ മുരളീധരന്‍ കൂട്ടിച്ചേര്‍ത്തു. മുഖ്യമന്ത്രിയുടെ മകൾ വീണാ ജോർജിന്റെ കമ്പനിക്കെതിരായ കേന്ദ്രസർക്കാരിന്റെ അന്വേഷണം ഒരു ഭീഷണിയാണ്. സമ്മർദ്ദത്തിന് വഴങ്ങിയില്ലെങ്കിൽ കയറേണ്ട ഇടത്ത് കയറും എന്നാണ് ഭീഷണി. ഇത് കാണുമ്പോൾ മുഖ്യമന്ത്രി ഭയപ്പെടും
കേന്ദ്ര ഏജൻസികൾ സെക്രട്ടറിയേറ്റിൽ കയറേണ്ട സമയം കഴിഞ്ഞുവെന്നും അദ്ദേഹം പറഞ്ഞു. കോൺഗ്രസ് ഉന്നയിച്ച ആരോപണങ്ങളിൽ ഇതുവരെ ഒരു അന്വേഷണം നടന്നിട്ടില്ല അത് കൊണ്ടാണ് അന്തർധാര ഉണ്ടെന്ന് പറയുന്നത്
കേന്ദ്ര ഏജൻസികളുടെ കേരളത്തിലെ അന്വേഷണം എന്തുമാത്രം മുന്നോട്ടുപോകുമെന്നത് ഇവർ തമ്മിലുള്ള അന്തർധാരയെ ആശ്രയിച്ചിരിക്കും. ഞങ്ങൾ ഇതിൽ വലിയ ആവേശമൊന്നും കാണിക്കുന്നില്ല. കാരണം കേന്ദ്ര അന്വേഷണ ഏജൻസികൾ സെക്രട്ടറിയേറ്റിൽ കയറേണ്ട സമയം കഴിഞ്ഞു. ഇപ്പോൾ കയറുമെന്ന് പറയുന്നതല്ലാതെ കയറുന്നില്ല. അത് ഒത്തുതീർപ്പിന്റെ ഭാഗമായാണ് കാണുന്നതെന്നും മുരളീധരൻ പറഞ്ഞു.
പ്രതികരിക്കാൻ ഇവിടെ എഴുതുക: