നടനും ബി ജെ പി നേതാവുമായ സുരേഷ് ഗോപിയുടെ മകള്‍ ഭാഗ്യ സുരേഷിന്റെ വിവാഹത്തിനു മുന്നോടിയായുളള സംഗീത് ചടങ്ങ് നടന്നു. ഇതിന്റെ ചിത്രങ്ങള്‍ സമൂഹമാധ്യമങ്ങളില്‍ വൈറലാണ്. ബന്ധുക്കളും അടുത്ത സുഹൃത്തുക്കളുമാണ് ചടങ്ങില്‍ പങ്കെടുത്തത്.
വിവാഹത്തിനു മുന്നോടിയായി നടത്തിയ പാര്‍ട്ടിയില്‍ പച്ച ലെഹങ്ക ധരിച്ചാണ് ഭാഗ്യ എത്തിയത്. ഈ മാസം 17നാണ് ഭാഗ്യയും ബിസിനസുകാരനായ ശ്രേയസ് മോഹനും വിവാഹിരാകുന്നത്.മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനാണ് ശ്രേയസ് മോഹന്‍.
ഗുരുവായൂര്‍ ക്ഷേത്രനടയില്‍ നടക്കുന്ന വിവാഹ ചടങ്ങില്‍ പങ്കെടുക്കാന്‍ പ്രധാനമന്ത്രി നരേന്ദ്ര മോദി എത്തുന്നുവെന്ന പ്രത്യേകതയുമുണ്ട്.
വിവാഹ റിസപ്ഷന്‍ 20ന് തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലാണ്. കഴിഞ്ഞ ജൂലൈയില്‍ ആയിരുന്നു ഭാഗ്യയുടെയും ശ്രേയസ് മോഹന്റെയും വിവാഹനിശ്ചയം.
ബ്രിട്ടിഷ് കൊളംബിയ സര്‍വകലാശാലയില്‍നിന്നാണ് ഭാഗ്യ ബിരുദം നേടിയത്. സുരേഷ് ഗോപിജ-രാധിക ദമ്പതികളുടെ മൂത്ത മകളാണ് ഭാഗ്യ. ഗോകുല്‍ സുരേഷ്, മാധവ് സുരേഷ്, ഭാവ്‌നി സുരേഷ്, പരേതയായ ലക്ഷ്മി സുരേഷ് എന്നിവരാണ് ദമ്പതികളുടെ മറ്റു മക്കള്‍
പ്രതികരിക്കാൻ ഇവിടെ എഴുതുക: