ഇസ്ലാമാബാദ്: പാകിസ്ഥാനിലെ ഇസ്ലാമാബാദ് ഷാലിമാര്‍ പോലീസ് സ്‌റ്റേഷന്‍ പരിധിയില്‍ പെണ്‍കുട്ടിയെ തോക്കിന് മുനയില്‍ നിര്‍ത്തി കൂട്ടബലാത്സംഗം ചെയ്തതായി പരാതി. ഇസ്ലാമാബാദിലെ ഇ11 ഏരിയയിലാണ് സംഭവം നടന്നത്. പെണ്‍കുട്ടി പോലീസിന് നല്‍കിയ മൊഴിയില്‍ സീഷാന്‍ എന്ന ആണ്‍കുട്ടിയെയും അവന്റെ രണ്ട് സുഹൃത്തുക്കളും ചേര്‍ന്നാണ് ആക്രമിച്ചതെന്ന് വ്യക്തമാക്കി. ഇവര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്.
സീഷാന്‍ എന്ന് ആണ്‍കുട്ടിയാണ് തന്നെ കാറില്‍ ഇ11 ഭാഗത്ത് കൊണ്ടുപോയതെന്നും തുടര്‍ന്ന് അവന്റെ രണ്ട് സുഹൃത്തുക്കളും ചേര്‍ന്ന് തോക്കിന് മുനയില്‍ നിര്‍ത്തി തന്നെ കൂട്ടബലാത്സംഗം ചെയ്തുവെന്നും കുട്ടി പറഞ്ഞതായി എആര്‍വൈ ന്യൂസ് റിപ്പോര്‍ട്ട് ചെയ്തു. കാറോടിക്കുന്നതിനിടയില്‍ സീഷാന്‍ തന്റെ രണ്ട് സുഹൃത്തുക്കളെ വിളിച്ചു, അവരില്‍ ഒരാളുടെ പേര് ഹംസയെന്നാണ് തിരിച്ചറിഞ്ഞതായി റിപ്പോര്‍ട്ടില്‍ പറയുന്നു. സീഷാന്‍ തന്നെ ബലമായി കാറിന്റെ പിന്‍സീറ്റില്‍ കയറ്റി തോക്ക് പുറത്തെടുത്ത് ഭയപ്പെടുത്തി.
സീഷാനും അവന്റെ രണ്ട് സുഹൃത്തുക്കളും തോക്കിന് മുനയില്‍ വച്ച് തന്നെ ബലാത്സംഗം ചെയ്യുകയും പിന്നീട് തന്റെ വസതിക്ക് സമീപം ഉപേക്ഷിക്കുകയുമായിരുന്നുവെന്ന് പോലീസിനെ ഉദ്ധരിച്ച് റിപ്പോര്‍ട്ടില്‍ പറയുന്നു. സംഭവം പോലീസിനോടോ മറ്റാരെങ്കിലുമോ വെളിപ്പെടുത്തിയാല്‍ ഗുരുതരമായ പ്രത്യാഘാതങ്ങള്‍ നേരിടേണ്ടിവരുമെന്ന് പ്രതി ഭീഷണിപ്പെടുത്തിയതായും പെണ്‍ക്കുട്ടി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: