മെല്‍ബണ്‍: സീസണിലെ ആദ്യ ഗ്രാന്‍ഡ് സ്‌ലാം ടെന്നിസ് ടൂര്‍ണമെന്റ് ഓസ്‌ട്രേലിയന്‍ ഓപ്പണ്‍ ടോപ് സീഡ് താരങ്ങളായി വനിതാ സിംഗിള്‍സില്‍ ഇഗാ സ്വിയാറ്റെക്കും പുരുഷ സിംഗിള്‍സില്‍ നോവാക് ദ്യോക്കോവിച്ചും.
ലോക ഒന്നാം നമ്പര്‍ താരവും മുന്‍പ് പത്ത് തവണ ഓസ്‌ട്രേലിയന്‍ ഓപ്പണ്‍ സ്വന്തമാക്കുകയും ചെയ്തിട്ടുള്ള ദ്യോക്കോവിച്ചിന് പിന്നില്‍ രണ്ടാം സീഡ് താരമായി ഇറങ്ങുന്നത് കാര്‍ലോസ് അല്‍കരാസ് ആണ്. കാല്‍മുട്ടിലെ പരിക്ക് കാരണം കഴിഞ്ഞ ഓസ്‌ട്രേലിയന്‍ ഓപ്പണില്‍ സ്പാനിഷ് താരം അല്‍കരാസ് കളിച്ചിരുന്നില്ല.
പുരുഷ സിംഗിള്‍സില്‍ അല്‍കരാസിന് തൊട്ടുപിന്നാലെയുള്ള സീഡ് താരം റഷ്യയുടെ ദാനില്‍ മെദ്‌വദെവ് ആണ്. നാലാമതായി ഇറ്റലിയുടെ ജാന്നിക് സിന്നര്‍.
വനിതാ സിംഗിള്‍സില്‍ നിലവിലെ ഓസ്‌ട്രേലിയന്‍ ഓപ്പണ്‍ ചാമ്പ്യന്‍ താരം ആരൈന സബലെങ്ക ഇഗയ്‌ക്ക് പിന്നില്‍ രണ്ടാം സീഡ് താരമായി. കഴിഞ്ഞ വര്‍ഷത്തെ റണ്ണറപ്പ് എലേന റൈബാക്കിന മൂന്നാം സീഡ് താരവും. ഇക്കഴിഞ്ഞ യുഎസ് ഓപ്പണ്‍ കിരീടം ചൂടി ഗ്രാന്‍ഡ് സ്‌ലാം നേട്ടത്തിന് തുടക്കമിട്ട അമേരിക്കയുടെ കോക്കോ ഗൗഫ് ആണ് നാലാം സിഡ് വനിതാ സിംഗിള്‍സ് താരം.
പ്രതികരിക്കാൻ ഇവിടെ എഴുതുക: