തിരുവനന്തപുരം: പ്രധാനമന്ത്രി നരേന്ദ്രമോദിയുടെ അവിശ്വസനീയ പ്രഭാവലയത്തിന് മുന്നില്‍ നില്‍ക്കാന്‍ കഴിഞ്ഞത് ആവേശകരമായ അനുഭവമായിരുന്നുവെന്ന് സുരേഷ് ഗോപിയുടെ മകന്‍ മാധവ് .കഴിഞ്ഞ ആഴ്ച തൃശൂരിലെത്തിയ പ്രധാനമന്ത്രിയെ സന്ദര്‍ശിച്ച അനുഭവം ഇന്‍സ്റ്റഗ്രാമിലാണ് മാധവ് പങ്കുവച്ചത്.
പ്രധാനമന്ത്രിയോടൊപ്പം നില്‍ക്കാന്‍ കഴിഞ്ഞതിന്റെ അനുഭവം കുറിച്ച മാധവ് സഹോദരി ഭാവിനിയുമായുള്ള ചിത്രമാണ് പോസ്റ്റ് ചെയ്തിരിക്കുന്നത്
മാധവിന്റെ തോളില്‍ കൈവെച്ച് നരേന്ദ്രമോദി സംസാരിക്കുന്നതും ചിത്രത്തില്‍ കാണാം.
തൃശൂരില്‍ തേക്കിന്‍കാട് മൈതാനത്ത് രണ്ട് ലക്ഷത്തോളം വനിതകള്‍ പങ്കെടുത്ത പരിപാടിയില്‍ നരേന്ദ്രമോദിക്കൊപ്പം സുരേഷ് ഗോപിയും സംബന്ധിച്ചിരുന്നു.
അതിനിടെ സുരേഷ് ഗോപിയുടെ മകളുടെ വിവാഹ ചടങ്ങില്‍ പങ്കെടുക്കാന്‍ പ്രധാനമന്ത്രി എത്തുമെന്ന് വാര്‍ത്തയുണ്ട്. ജനുവരി 17 ന് ഗുരുവായൂരിലാണ് വിവാഹ ചടങ്ങ്. നേരത്തെ സുരേഷ് ഗോപിയും കുടുംബവും ന്യൂദല്‍ഹിയിലെത്തി പ്രധാനമന്ത്രിയെ നേരില്‍ കണ്ട് വിവാഹചടങ്ങിലേക്ക് ക്ഷണിച്ചിരുന്നു.
പ്രതികരിക്കാൻ ഇവിടെ എഴുതുക: