കൊച്ചി: ഹൂബ്ലിയില്‍ നടക്കുന്ന കാഴ്ച പരിമിത വനിതകളുടെ ദേശീയ ടി20 ക്രിക്കറ്റ് ടൂര്‍ണ്ണമെന്റില്‍ കേരളത്തിന് ആദ്യ മത്സരത്തില്‍ ഉജ്ജ്വല ജയം. ഡല്‍ഹിയെ ഏഴുവിക്കറ്റിനാണ് കേരളം പരാജയപ്പെടുത്തിയത്. നിശ്ചിത 20 ഓവറില്‍ ഡല്‍ഹി ഒരു വിക്കറ്റ് നഷ്ടത്തില്‍ 171 നേടി. കളി തീരാന്‍ 4 പന്ത് ശേഷിക്കെ കേരളം മൂന്നു വിക്കറ്റ് നഷ്ടത്തില്‍ 172 റണ്‍സ് സ്‌കോര്‍ ചെയ്തു ലക്ഷ്യം കണ്ടു.
44 പന്തില്‍ 43 റണ്‍സെടുത്ത് പുറത്താകാതെ നിന്നു വിജയത്തില്‍ നെടുംതൂണായ അദൈ്വത സന്തോഷ് കളിയിലെ താരമായി. ടോസ് നേടിയ കേരളം ഡല്‍ഹിയെ ബാറ്റിംഗിനയക്കുകയായിരുന്നു. കേരള ക്യാപ്റ്റന്‍ സാന്ദ്ര ഡേവിസ് നേടിയ ഏക വിക്കറ്റിന്റെ മാത്രം നഷ്ടത്തിലാണ് ഡല്‍ഹി 171 റണ്‍സ് അടിച്ചു കൂട്ടിയത്. 60 പന്തുകളില്‍ നിന്ന് യഥാക്രമം 70 ഉം 65 ഉം റണ്‍സ് നേടിയ അഞ്ജലി യാദവും നൂറിയുമാണ് ഡല്‍ഹിക്ക് മികച്ച സ്‌കോര്‍ സമ്മാനിച്ചത്.
മറുപടി ബാറ്റിംഗില്‍ കേരളത്തിനു വേണ്ടി അദൈ്വത സന്തോഷിനു പുറമെ കെ എസ് ഹരിശ്രീയും മികച്ച പ്രകടനം നടത്തി. 48 പന്തില്‍ പുറത്താകാതെ 35 റണ്‍സെടുത്ത ഹരിശ്രീ അദൈ്വതയ്‌ക്കു ശക്തമായ പിന്തുണ നല്‍കി. കേരളത്തിനു വേണ്ടി ജംഷീല 15 1പന്തില്‍ 16 ഉം എ പി അനി 11 പന്തില്‍ 12ഉം റണ്‍സ് നേടി. ഗ്രൂപ്പ് സിയില്‍ ഇന്ന് കേരളം പശ്ചിമ ബംഗാളിനെ നേരിടും.
പ്രതികരിക്കാൻ ഇവിടെ എഴുതുക: