ജോഹന്നസ്ബര്ഗ് : ദക്ഷിണാഫ്രിക്കന് സൂപ്പര് താരം ഹെന്റിച്ച് ക്ലാസന് ടെസ്റ്റ് ക്രിക്കറ്റില് നിന്ന് വിരമിച്ചു.ഇന്ത്യയ്ക്കെതിരായ ടെസ്റ്റ് പരമ്പരയില് നിന്ന് ഒഴിവാക്കപ്പെട്ടതിനെ തുടര്ന്നാണ് തീരുമാനമെന്ന് റിപ്പോര്ട്ട്. 2019 നും 2023 നും ഇടയില് നാല് ടെസ്റ്റ് മത്സരങ്ങള് മാത്രമാണ് ക്ലാസന് കളിച്ചത്.
ഏകദിന ക്രിക്കറ്റിലെ ഏറ്റവും മികച്ച മധ്യനിര ബാറ്റ്സ്മാന്മാരില് ഒരാളായാണ് ഹെന്റിച്ച് ക്ലാസനെ കണക്കാക്കുന്നത്. ഇന്ത്യയ്ക്കെതിരെ ടെസ്റ്റ് അരങ്ങേറ്റം കുറിച്ച ക്ലാസന് വെസ്റ്റ് ഇന്ഡീസിനെതിരെയാണ് അവസാനമായി കളിച്ചത്.
റെഡ്-ബോള് ക്രിക്കറ്റില് നിന്ന് വിരമിക്കാന് തീരുമാനിച്ചു. തീരുമാനമെടുക്കാന് എടുക്കാന് വളരെ ബുദ്ധിമുട്ടായിരുന്നു- ക്ലാസന് പറഞ്ഞു.വൈറ്റ് ബോള് ഫോര്മാറ്റില് ക്ലാസെന് ദക്ഷിണാഫ്രിക്കയെ പ്രതിനിധീകരിക്കുന്നത് തുടരും.
