മുംബയ് : അഫ്ഗാനിസ്ഥാനെതിരായ ടി20 പരമ്പരയക്കുള്ള 16 അംഗ ഇന്ത്യന്‍ ടീം പ്രഖ്യാപിച്ചു. മലയാളി സഞ്ജു സാംസണ്‍ ടീമിലുണ്ട്.രോഹിത് ശര്‍മയാണ് ക്യാപ്റ്റന്‍. വിരാട് കോഹ്‌ലിയും ടീമില്‍ ഇടംപിടിച്ചു.
പേസര്‍മാരായ ജസ്പ്രീത് ബുംറയ്‌ക്കും മുഹമ്മദ് സിറാജിനും മൂന്ന് മത്സരങ്ങളുടെ ടി20 പരമ്പരയില്‍ വിശ്രമം അനുവദിച്ചു.ജിതേഷ് ശര്‍മയ്‌ക്കൊപ്പം വിക്കറ്റ് കീപ്പറായാണ് സഞ്ജു ടീമിലുളളത്. 2022ലെ ട്വന്റി20 ലോകകപ്പിനുശേഷം രോഹിത്ത് ശര്‍മ്മയും കോഹ്‌ലിയും ഇന്ത്യക്കായി ട്വന്റി20 മത്സരങ്ങള്‍ കളിച്ചിരുന്നില്ല.
ഈ മാസം 11ന് അഫ്ഗാനിസ്ഥാനെതിരായ ടി20 പരമ്പര ആരംഭിക്കും. മൂന്നു മത്സരങ്ങളാണ് ഉള്ളത്. 14നും 17നുമാണ് പരമ്പരയിലെ മറ്റു രണ്ടു മത്സരങ്ങള്‍. അഫ്ഗാനിസ്ഥാന്‍ നേരത്തെ ടീമിനെ പ്രഖ്യാപിച്ചിരുന്നു.
ഇന്ത്യന്‍ ടീം: രോഹിത് ശര്‍മ്മ ,വിരാട് കോഹ്ലി,ജിതേഷ് ശര്‍മ്മ , എസ് ഗില്‍, വൈ ജയ്സ്വാള്‍, തിലക് വര്‍മ്മ, റിങ്കു സിംഗ്, സഞ്ജു സാംസണ്‍ , ശിവം ദുബെ, ഡബ്ല്യു സുന്ദര്‍, അക്‌സര്‍ പട്ടേല്‍, രവി ബിഷ്ണോയ്, കുല്‍ദീപ് യാദവ്, അര്‍ഷ്ദീപ് സിംഗ് , അവേഷ് ഖാന്‍, മുകേഷ് കുമാര്‍.
പ്രതികരിക്കാൻ ഇവിടെ എഴുതുക: