രൂപത്തില് മാത്രമല്ല, നൃത്തത്തിലും സിനിമയിലുമെല്ലാം ജൂനിയര് മഞ്ജുവാര്യരാണ് എറണാകുളം രാജഗിരി എച്ച്എസ്എസിലെ അങ്കിത അനീഷ്. ഒടിയന് സിനിമയില് മഞ്ജുവിന്റെ കഥാപാത്രമായ തമ്പ്രാട്ടികുട്ടിയുടെ കുട്ടിക്കാലം അവതരിപ്പിച്ചത് അങ്കിതയാണ്. ആറാം ക്ലാസില് പഠിക്കുമ്പോള് മഞ്ജുവാര്യരുടെ ഡബ്മാഷ് ചെയ്തതിരുന്നു.
അത് മഞ്ജു തന്റെ സോഷ്യല് മീഡിയ അക്കൗണ്ടില് ഷെയര് ചെയ്തു. അതോടെയാണ് ഒടിയനില് എത്തിയത്. ഒരു സ്വകാര്യ ചാനലിന്റെ മഞ്ജു ഭാവങ്ങള് പരിപാടിയിലും പങ്കെടുത്തു. മഞ്ജുവിന്റെ നൃത്ത ഗുരുനാഥ ഗീതാപത്മകുമാറിന് കീഴിലാണ് ജൂനിയറിന്റെയും പഠനം. മഞ്ജുവിനെ പോലെ നര്ത്തകി ആകണം എന്നു തന്നെയാണ് ആഗ്രഹവും. അടിമുടി മഞ്ജുവാര്യര് ആകണം. കുച്ചുപ്പുടിക്ക് പുറമെ മോഹിനിയാട്ടത്തിലും മത്സരിച്ചിരുന്നു.
അനീഷ് ജോണ്-പ്രവീണ ദമ്പതികളുടെ മകളായ അങ്കിത ദുബായിലായിരുന്നു പഠനം. സ്കൂള് കലോത്സവത്തില് പങ്കെടുക്കാനായി നാട്ടിലേക്ക് വന്ന് സ്റ്റേറ്റ് സിലബസില് ചേരുകയായിരുന്നു. എറണാകുളം രാജഗിരി എച്ച്എസ്എസിലെ പ്ലസ്ടു വിദ്യാര്ത്ഥിനിയാണ് അങ്കിത. ഒടിയന് പുറമെ ‘ഹോം’ സിനിമയില് ജോണി ആന്റണിയുടെ മകളായും വേഷമിട്ടു. ആശാശരത്ത് കേന്ദ്ര കഥാപാത്രമാകുന്ന ഇന്ദ്ര സിനിമയില് ഗുരുസ്വാമി സുന്ദരത്തിന്റെ ചെറുമകളായും അഭിനയിച്ചു. ചിത്രം ഉടന് പുറത്തിറങ്ങും.
