ഷാപ്പിൽ നിന്നിറങ്ങവെ സൈക്കിൽ വട്ടംവച്ചു; ആലപ്പുഴയിൽ വയോധികന് ദാരുണാന്ത്യം

ആലപ്പുഴ: ഹരിപ്പാട് സൈക്കിൾ മാറ്റിവയ്‌ക്കുന്നതിനെ ചൊല്ലിയുണ്ടായ തർക്കത്തിനിടെ മർദ്ദനത്തിനിരയായ വയോധികന് ദാരുണാന്ത്യം. വീയപുരം സ്വദേശി ജോസഫാണ് മരിച്ചത്. സംഭവത്തിൽ ദയാനന്ദൻ എന്ന യുവാവിനെ പോലീസ് അറസ്റ്റ് ചെയ്തു.

ഇന്നലെ വൈകിട്ട് 7.30-ഓടെയായിരുന്നു കേസിന് ആസ്പദമായ സംഭവം. കരിച്ചാൽ ഷാപ്പിന് സമീപമാണ് ആക്രമണം നടന്നത്. ഷാപ്പിൽ നിന്നിറങ്ങിയ ഇരുവരും സൈക്കിൾ കുറുകെ വച്ചെന്ന കാരണം പറഞ്ഞാണ് തർക്കത്തിൽ ഏർപ്പെട്ടത്. സംഭവത്തിന് പിന്നാലെ പ്രകോപിതനായ ദയാനന്ദൻ ജോസഫിനെ അടിക്കുകയായിരുന്നു.