കേപ് ടൗണ്‍ : ദക്ഷിണാഫ്രിക്കയ്‌ക്കെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് തകര്‍പ്പന്‍ തുടക്കം. ടോസ് ചെയ്ത് ആദ്യം ബാറ്റ് ചെയ്തദക്ഷിണാഫ്രിക്ക ഇന്ത്യന്‍ പേസ് ബൗളിംഗിന് മുന്നില്‍ തകര്‍ന്നടിഞ്ഞു. ദക്ഷിണാഫ്രിക്ക 23.2 ഓവറില്‍ 55 റണ്ണിന് എല്ലാവരും പുറത്തായി.
ആറ് വിക്കറ്റ് എടുത്ത മൊഹമ്മദ് സിറാജ് ആണ് ദക്ഷിണാഫ്രിക്കയെ തകര്‍ത്തത്.സിറാജ് 9 ഓവറില്‍ നിന്ന് 15 റണ്‍സ് വഴങ്ങി 6 വിക്കറ്റ് വീഴ്‌ത്തി. ദക്ഷിണാഫ്രിക്കന്‍ ബാറ്റിംഗ് നിരയില്‍ ആകെ രണ്ട് താരങ്ങള്‍ മാത്രമെ രണ്ടക്കം കണ്ടുളളൂ.
15 റണ്‍സ് എടുത്ത കരെല്‍ വെരെയ്‌നെ ആണ് ടോപ് സ്‌കോറര്‍. ബെഡിങ്ഹാം 12 റണ്‍സ് എടുത്തു.
മക്രം 2, എല്‍ഗര്‍ 4, സോര്‍സി 2, സ്റ്റബ്‌സ് 3, യാന്‍സന്‍ 0 എന്നിവര്‍ക്ക് തിളങ്ങനായില്ല.ജസ്പിരീത് ബുംമ്ര 25 റണ്‍സ് വഴങ്ങി 2 വിക്കറ്റും മുകേഷ് കുമാര്‍ ഒരു റണ്‍സ് പോലും വിട്ടു നല്‍കാതെ 2 വിക്കറ്റും വീഴ്‌ത്തി.
പ്രതികരിക്കാൻ ഇവിടെ എഴുതുക