പൂജാ മുറിയോ ക്ഷേത്രമോ ?വീടിനകത്തൊരു അമ്പലം തന്നെ സെറ്റ് ചെയ്തിട്ടുണ്ടല്ലോ;കങ്കണയുടെ വീട് കണ്ട് അമ്പരന്ന് ആരാധകർ

ബോളിവുഡ് നടി കങ്കണ റണാവത്തിന്റെ മണാലിയിലെ വീട് മനോഹരമായ കാഴ്ചകളാൽ സമ്പന്നമാണ്. മൗണ്ടൻ സ്റ്റൈലിലുള്ളതാണ് ഈ വീട്. ഹിമാചലി പെയിന്റിങ്ങുകൾ, നെയ്‌ത്ത്, പരവതാനികൾ, എംബ്രോയ്ഡറികൾ എന്നിവയൊക്കെ വീടിന്റെ ആകർഷണമാണ്. രാജകീയത നിറഞ്ഞതാണ് വീടിന്റെ അകക്കാഴ്ചകൾ എല്ലാം തന്നെ.

അടുത്തിടെ വീടിനകത്തെ പൂജാമുറിയിൽ നിന്നുള്ള ഏതാനും ചിത്രങ്ങളും കങ്കണ പങ്കിട്ടിരുന്നു. പൂജാമുറി എന്നതിനേക്കാൾ ഒരു ക്ഷേത്രം എന്നു തന്നെ വിശേഷിപ്പിക്കാവുന്നത്ര വിശാലമാണ് ഈ സ്പേസ്. ‘ദിവ്യം’ എന്നാണ് കങ്കണ ഈ സ്പേസിനെ വിശേഷിപ്പിക്കുന്നത്.

മനോഹരമായൊരു വിന്റേജ് വാതിലാണ് ഈ പൂജാമുറിയിലേക്ക് സ്വാഗതം ചെയ്യുന്നത്. ഗണപതിയുടെയും ദുർഗ്ഗാദേവിയുടെയും മറ്റും വിഗ്രഹങ്ങളും ഒരു വലിയ ശിവലിംഗവുമൊക്ക ഇവിടെ കാണാം. വർണ്ണാഭമായ ചുവരിൽ ഫ്രെയിം ചെയ്ത പിച്ച്വായ് പെയിന്റിംഗ് തൂക്കിയിരിക്കുന്നു.

കങ്കണയുടെ മുംബൈയിലെ വീട്ടിലും ഒരു ക്ഷേത്രമുണ്ട്, അത് 2022ൽ നവീകരിച്ചു. “ഈ ഉത്സവ സീസണിൽ വീട്ടിലെ ക്ഷേത്രം പുതുക്കിപ്പണിതു” എന്ന അടിക്കുറിപ്പോടെ കങ്കണ ചിത്രം ഷെയർ ചെയ്തിരുന്നു.