ന്യൂദല്ഹി : വിജയം എപ്പോഴും സത്യത്തിനൊപ്പം ആയിരിക്കുമെന്ന് ഗൗതം അദാനി. ഹിന്ഡന്ബര്ഗ് കേസില് പ്രത്യേക അന്വേഷണത്തിന് ഉത്തരവിടണമെന്ന ഹര്ജി സുപ്രീംകോടതി തള്ളിയതില് പ്രതികരിക്കുകയായിരുന്നു അദ്ദേഹം.
‘സത്യം വിജയിച്ചു. സത്യമേവ ജയതേ, തങ്ങള്ക്കൊപ്പം നിന്നവരോട് നന്ദി അറിയിക്കുന്നു. ഭാരത്തിന്റെ വികസനത്തിനായി തങ്ങളുടെ ഭാഗത്തു നിന്നുള്ള പ്രവര്ത്തനങ്ങള് തുടര്ന്നുമുണ്ടാകും ജയ് ഹിന്ദ്’ എന്ന് എക്സിലൂടെയായിരുന്നു അദാനിയുടെ ഈ പ്രതികരണം.
അദാനി ഓഹരി ഇടപാടുകളില് സംശയകരമായ 12 ഇടപാടുകള് നടന്നിട്ടുണ്ട്. ഇതിനനെ കുറിച്ച് പ്രത്യേക സമിതിയെക്കൊണ്ട് അന്വേഷിപ്പിക്കണമെന്നാവശ്യപ്പെട്ടാണ് ഹര്ജി നല്കിയിരുന്നത്. എന്നാല് പ്രത്യേക സമിതിയെ നിയോഗിക്കില്ലെന്ന് അറിയിച്ച ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് നിലവിലെ സെബിയുടെ അന്വേഷണത്തിന് മൂന്നു മാസം കൂടി സമയം നല്കുമെന്ന് അറിയിച്ചു. ഓഹരി ഇടപാടുകളിലെ ക്രിത്രിമത്വം അന്വേഷിക്കേണ്ടത് സെബിയും കേന്ദ്ര സര്ക്കാരും ആണെന്ന് അറിയിച്ചു.
