വാഹന പരിശോധന കണ്ടതും പരിശ്രമം; സംശയം തോന്നിയുള്ള ചോദ്യം ചെയ്യലിൽ എംഡിഎംഎ പിടികൂടി

വയനാട്: മാനന്തവാടിയിൽ മാരകമയക്കുമരുന്നായ എംഡിഎംഎയുമായി രണ്ട് പേർ അറസ്റ്റിൽ. മലപ്പുറം മഞ്ചേരി സ്വദേശി മുഹമ്മദ് ജിഹാദ്, അബ്ദുൽസലാം എന്നിവരാണ് പിടിയിലായത്. ഇവരിൽ നിന്നും 51.64 ഗ്രാം എംഡിഎംഎയാണ് കണ്ടെടുത്തത്.

ഇന്നലെ രാവിലെ മാനന്തവാടി വള്ളിയൂർക്കാവ് റോഡിൽ വാഹനപരിശോധനക്കിടെയാണ് പ്രതികൾ പിടിയിലായത്. യുവാക്കൾ പോലീസിനെ കണ്ടതോടെ പരിഭ്രമിക്കുന്നതിൽ ചോദ്യം ചെയ്തതിനെ തുടർന്നാണ് മയക്കുമരുന്ന് കടത്താനുള്ള ശ്രമമാണെന്ന് സൂചന ലഭിക്കുന്നത്.

പരിശോധനയിൽ എംഡിഎംഎ കണ്ടെത്തുകയായിരുന്നു. മാനന്തവാടി പോലീസും ജില്ല ലഹരിവിരുദ്ധ സ്‌ക്വാഡും സംയുക്തമായി നടത്തിയ പരിശോധനയിലാണ് പ്രതികൾ പിടിയിലായത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.