പത്തനംതിട്ട: വ്യാപാരിയെ കടയ്ക്കുളളില് കൊല്ലപ്പെട്ട നിലയില് കണ്ടെത്തി. മൈലപ്ര പുതുവേലില് സ്റ്റോഴ്സ് ഉടമ ജോര്ജ് ഉണ്ണുണ്ണിയാണ് (72) മരിച്ച നിലയില് കണ്ടത്.
മോഷണത്തിനിടെയുള്ള കൊലപാതകമെന്നാണ് പൊലീസിന്റെ പ്രാഥമിക വിലയിരുത്തല്. കൈകാലുകള് കെട്ടി വായില് തുണിതിരുകിയ നിലയിലായിരുന്നു മൃതദേഹം കാണപ്പെട്ടത്.
മൈലപ്ര ജംഗ്ഷനില് ദീര്ഘകാലമായി വ്യാപാരിയാണ് ജോര്ജ് ഉണ്ണുണ്ണി. ഇദ്ദേഹം ധരിച്ചിരുന്ന സ്വര്ണമാല മോഷണം പോയിട്ടുണ്ട്. കടയിലെ സിസിടിവി ഹാര്ഡ് ഡിസ്കും എടുത്തുമാറ്റിയ നിലയിലാണ്.
പുനലൂര് -മൂവാറ്റുപുഴ റോഡില് പട്ടാപ്പകല് നടന്ന കൊലപാതകം നാട്ടുകാരെ ഞെട്ടിച്ചിരിക്കുകയാണ്. റോഡിലെയും സമീപത്തെ വീടുകളിലെയും സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം നടത്തുകയാണ് പൊലീസ്.
