അയോധ്യ: ഭഗവാന് രാമന് പിറന്ന മണ്ണില് ഓരോ വീട്ടിലും പ്രാണപ്രതിഷ്ഠയുടെ കത്തുമായെത്തുന്നത് ബാലകരാമന്മാര്. ജനുവരി ഒന്ന് മുതലാണ് ഔപചാരികമായ ഗൃഹസമ്പര്ക്കം പ്രഖ്യാപിച്ചതെങ്കിലും അയോധ്യയില് ആവേശം ഒരു പടി മുന്നിലാണ്.
രാമായണത്തിലെ കഥാപാത്രങ്ങളുടെ വേഷമണിഞ്ഞ കുട്ടികളാണ് ഇവിടെ വീടുകള് തോറും കയറിയിറങ്ങുന്നത്. രാമന്റെയും സീതാദേവിയുടെയും വേഷം ധരിച്ച 259 കുട്ടികളാണ് ക്ഷണപ്പത്രവുമായി വീടുകള് കയറുന്നതെന്ന് രാമജന്മഭൂമി തീര്ത്ഥക്ഷേത്രട്രസ്റ്റ് അംഗം അനില് മിശ്ര പറഞ്ഞു.
നേരത്തെ വിദ്യാഭാരതി സ്കൂളുകള് രാമകഥകള് പറയുന്ന കലാപരിപാടികളും അവതരിപ്പിച്ചു. കുട്ടികള് വളരെ ആവേശത്തിലാണ്, അനില് മിശ്ര പറഞ്ഞു.
