ചേലക്കര (തൃശ്ശൂര്): കരുവന്നൂര് ബാങ്ക് തട്ടിപ്പില് എ.സി. മൊയ്തീന് മാത്രമല്ല, ഇപ്പോഴത്തെ മന്ത്രി കെ. രാധാകൃഷ്ണനും പങ്കെന്ന് ബിജെപി നേതാവും സംസ്ഥാന വൈസ് പ്രസിഡന്റുമായ ശോഭാ സുരേന്ദ്രന്. സ്ത്രീശക്തി മോദിക്കൊപ്പം എന്ന മുദ്രാവാക്യവുമായി തൃശ്ശൂരില് നടക്കുന്ന മഹിളാസമ്മേളനത്തിന്റെ ഭാഗമായി ചേലക്കരയില് നടന്ന വാഹനപ്രചരണ യാത്രയുടെ സമാപന സമ്മേളനം ഉദ്ഘാടനം ചെയ്യുകയായിരുന്നു അവര്.
മഹിളാമോര്ച്ച ചേലക്കര മണ്ഡലം വൈസ് പ്രസിഡന്റ് ആശാദേവി അധ്യക്ഷത വഹിച്ചു. മഹിളാമോര്ച്ച സംസ്ഥാന വൈസ് പ്രസിഡന്റ് വിനീത ഹരിഹരന്, സെക്രട്ടറിമാരായ സ്മിത മേനോന്, ശ്രീവിദ്യ, ട്രഷറര് സത്യലക്ഷ്മി, ബിജെപി മണ്ഡലം പ്രസിഡന്റ് പി.എസ്. കണ്ണന്, ജന. സെക്രട്ടറി വി.പി. പ്രകാശന്, ഏരിയാ പ്രസിഡന്റ് പി.കെ. അനീഷ് തുടങ്ങിയവര് പങ്കെടുത്തു.
