തന്റെ വിവാഹവുമായി ബന്ധപ്പെട്ടുള്ള രാഖിയുടെ വാക്കുകൾ ശ്രദ്ധനേടുകയാണ്. തനിക്ക് പറ്റാവുന്ന ആളെ കിട്ടുന്നത് വരെ താൻ വിവാഹം ചെയ്തു കൊണ്ടിരിക്കുമെന്ന് രാഖി സാന്ത് പറയുന്നു.
അടുത്തിടെയാണ് താരം മുൻ ഭർത്താവ് ആദിൽ ഖാനുമായി വേർപിരിഞ്ഞത്. ആദിൽ തന്നെ റേപ്പ് ചെയ്തു, കുളിമുറി ദൃശ്യങ്ങൾ അടക്കം ഷൂട്ട് ചെയ്തു വിറ്റു എന്ന ആരോപണങ്ങൾ അടക്കം രാഖി സാവന്ത് ഉന്നയിച്ചിരുന്നു. എന്നാൽ രാഖി മുൻഭർത്താവുമായി ഇപ്പോഴും ബന്ധം തുടരുന്നത് താൻ കണ്ടെത്തിയത് പുറത്ത് അറിയാതിരിക്കാനാണ് ഇത്തരം ആരോപണങ്ങൾ ഉന്നയിച്ചത് എന്നായിരുന്നു ആദിൽ ഖാൻ വെളിപ്പെടുത്തിയത്.
വീണ്ടുമൊരു പരാമർശവുമായി എത്തിയിരിക്കുകയാണ് രാഖി. തനിക്ക് പെട്ടെന്ന് വിവാഹമോചനം അനുവദിക്കണം എന്ന് കോടതിയോട് അഭ്യർത്ഥിച്ചു കൊണ്ടായിരുന്നു രാഖിയുടെ പരാമർശം.
രാഖിയുടെ വാക്കുകൾ ഇങ്ങനെ: ആദിൽ തട്ടിയെടുത്ത പണവും ഡിവോഴ്സും കോടതി എനിക്ക് നൽകുമെന്നാണ് പ്രതീക്ഷിക്കുന്നത്. അതിലൂടെ എനിക്ക് വീണ്ടും ഭാവിയിൽ നല്ലൊരാളെ വിവാഹം കഴിച്ച് ജീവിക്കാനാവും. എനിക്ക് പറ്റിയ ആളെ കണ്ടെത്തുന്നതുവരെ ഞാൻ വിവാഹം കഴിച്ചുകൊണ്ടിരിക്കും എന്ന് വ്യക്തമാക്കുകയാണ്. അതുവരെ ഞാൻ പ്രണയിച്ചു കൊണ്ടിരിക്കും.
കാരണം ഇത് എന്റെ ജീവിതമാണ്. എനിക്കൊരു ജീവിതം മാത്രമാണുള്ളത്. മരിച്ചതിന് ശേഷം നമുക്ക് മറ്റൊരു ജീവിതമില്ല. ഹോളിവുഡിലേക്ക് പോവുകയാണെങ്കിൽ അവിടെ ഒരുപാട് പേർ ഒന്നിലധികം വിവാഹങ്ങൾ കഴിക്കുന്നതും നിരവധി പേരെ പ്രണയിക്കുന്നതുമെല്ലാം കാണം. അവിടെ അതൊരു പ്രശ്നമേയല്ല. ഇന്ത്യയിൽ മാത്രമാണ് ഈ നിയന്ത്രണങ്ങളുള്ളത്’ രാഖി സാവന്ത് പറഞ്ഞു.
അതേസമയം രാഖിയെ വിശ്വസിച്ചതാണ് താൻ ചെയ്ത തെറ്റെന്നും വിവാഹത്തിന് ശേഷവും രാഖി മുൻഭർത്താവ് റിതേഷുമായി ബന്ധം പുലർത്തിയെന്നും ആദിൽ ആരോപിച്ചിരുന്നു. പ്രശ്നങ്ങൾ ഒഴിവാക്കാനാണ് വിവാഹ മോചനത്തെ കുറിച്ച് ചിന്തിച്ചതെന്നും ആദിൽ വ്യക്തമാക്കിയിരുന്നു.
