വെച്ചുച്ചിറ: വിശ്വസേവാഭാരതിയുടെ കൈപിടിച്ച് അനിതയും മക്കളും കെട്ടുറപ്പും അടച്ചുറപ്പുമുള്ള വീട്ടിലേക്ക്.
പത്തനംതിട്ട വെച്ചുച്ചിറ ഗ്രാമപഞ്ചായത്തില് താമസിക്കുന്ന അനിത കൈലാറ്റിനും രണ്ടു പെണ്മക്കള്ക്കും ഇത് സ്വപ്ന സാക്ഷാത്കാരമാണ്. വെച്ചൂച്ചിറ സേവാഭാരതി മുഖേനയാണ് എട്ടുലക്ഷത്തിലധികം രൂപ ചെലവഴിച്ച് വീട് നിര്മിച്ചുനല്കുന്നത്. വീടിന്റെ താക്കോല് കൈമാറ്റം 29ന് രാവിലെ 10ന് ആര്എസ്എസ് പ്രാന്തീയ സേവാപ്രമുഖ് എം.സി. വത്സന് നിര്വഹിക്കും.
നേരത്തെ അടച്ചുറപ്പില്ലാത്ത ഒറ്റമുറിവീട്ടിലായിരുന്നു അനിത രണ്ട് പെണ്മക്കളുമായി കഴിഞ്ഞിരുന്നത്. ബാലഗോകുലാംഗങ്ങളാണ് രണ്ട് പെണ്മക്കളും. കുടുംബത്തിന്റെ ദുഃസ്ഥിതി മനസിലാക്കിയ സേവാഭാരതിപ്രവര്ത്തകര് സുമനസുകളുടെ സഹായത്തോടെ പുതിയവീട് നിര്മിച്ചു നല്കുകയായിരുന്നു.
അനിതയുടെ മൂത്തമകള് ഐഎഎസ് കോച്ചിങ്ങിനും രണ്ടാമത്തെ മകള് പ്ലസ് ടു വിനും പഠിക്കുന്നു.
