തിരുവനന്തപുരം : മുഖ്യമന്ത്രി നടത്തിയ രക്ഷാപ്രവര്ത്തന പരാമര്‍ശത്തെ അതിരൂക്ഷമായി വിമര്‍ശിച്ച് ലത്തീന്‍ കത്തോലിക്കാ തിരുവനന്തപുരം അതിരൂപത ആര്‍ച്ച് ബിഷപ്പ് ഡോക്ടര്‍ തോമസ് ജെ.നെറ്റോ.
രക്ഷാപ്രവര്‍ത്തനത്തിന് പുതിയ വ്യാഖ്യാനം നല്‍കുന്ന സമൂഹത്തിലാണ് നാം ജീവിക്കുന്നതെന്ന് തെല്ല് പരിഹാസത്തോടെ ആര്‍ച്ച് ബിഷപ്പ് പറഞ്ഞു. തന്റെ ക്രിസ്മസ് സന്ദേശത്തിലായിരുന്നു ആര്‍ച്ച് ബിഷപ്പ് പിണറായിയെ വിമര്‍ശിച്ചത്.
നവകേരളാസദസ്സിനോട് വിയോജിപ്പ് പ്രകടിപ്പിച്ച് കരിങ്കോടി ഉയര്‍ത്തിയവരെ അടിച്ചമര്‍ത്താന്‍ ഡിവൈഎഫ് ഐ ക്രിമിനലുകളെ ഇറക്കിവിടുകയായിരുന്നു സര്‍ക്കാര്‍. അതിനെ രക്ഷാപ്രവര്‍ത്തനം എന്ന് ഓമനപ്പേരിട്ട് വിളിക്കുകയായിരുന്നു പിണറായി വിജയന്‍. ഇപ്പോള്‍ പിണറായിയുടെ രക്ഷാപ്രവര്ത്തന കമന്‍റിനെതിരെ വിവിധ രാഷ്‌ട്രീയ നേതാക്കളും ശക്തമായി വിമര്‍ശനം ഉയര്‍ത്തുകയാണ്.
പ്രതികരിക്കാൻ ഇവിടെ എഴുതുക: