തിരുവനന്തപുരം: കെ എസ് ആര് ടി സിയെ ലാഭത്തിലാക്കാനാകില്ലെന്ന് മുന് ഗതാഗത മന്ത്രി ആന്റണി രാജു .നഷ്ടം കുറയ്ക്കണമെന്നും അദ്ദേഹം പറഞ്ഞു.
എല്ലാ സമരങ്ങള്ക്കും വഴങ്ങിക്കൊടുത്താല് കെ എസ് ആര് ടി സി ബാക്കിയുണ്ടാവില്ല.കെഎസ്ആര്ടിസിയുടെ ചരിത്രത്തിലെ ഏറ്റവും വലിയ നേട്ടങ്ങള്ക്ക് കാരണമാകാന് കഴിഞ്ഞെന്ന അഭിമാനത്തോടെയാണ് പടിയിറങ്ങുന്നതെന്നും ആന്റണി രാജു പറഞ്ഞു.
എത്രകാലം മന്ത്രിയായിരുന്നു എന്നതിലല്ല എന്ത് ചെയ്തുവെന്നതിലാണ് കാര്യം.വിസ്മയ കേസിലെ പ്രതി കിരണിനെതിരെ കര്ശന നടപടികള് സ്വീകരിക്കാനും സര്വീസില് നിന്ന് പുറത്താക്കാനും കഴിഞ്ഞു.
കെഎസ്ആര്ടിസി മാനേജ്മെന്റില് പ്രൊഫഷണലുകളെ എത്തിച്ചു. കെഎസ് ആര് ടി സി സ്വിഫ്റ്റ് കൊണ്ടു വരികയും ശമ്പള പരിഷ്കരണം നടപ്പിലാക്കുകയും ചെയ്തു.
സിംഗിള് ഡ്യൂട്ടി സംവിധാനം ഏര്പ്പെടുത്തി.പ്രതിദിന വരുമാനത്തില് വര്ധനവ്. 545 പുതിയ ബസുകള് വാങ്ങി. ഫോണ് പെ സംവിധാനവും ഏര്പ്പെടുത്തി. കെഎസ്ആര്ടിസിയില് ആധുനികവത്ക്കരണവും യൂണിഫോം സംവിധാനം നടപ്പിലാക്കി.
എ ഐ കാമറ സംവിധാനം കൊണ്ടുവന്നതിന് പുറമെ ഡ്രൈവിംഗ് ലൈസന്സും ആര് സി ബുക്കും സ്മാര്ട്ട് കാര്ഡാക്കുകയും ചെയ്തുവെന്ന് ആന്റണി രാജു പറഞ്ഞു.
