പത്തനംതിട്ട: ശബരിമലയിൽ വൻ ഭക്തജനത്തിരക്ക്. നീലിമല വരെയാണ് ഇന്നലെ തീർത്ഥാടകരുടെ ക്യൂ നീണ്ടു. ഇന്നലെ മാത്രം പതിനെട്ടാം പടി ചവിട്ടിയത് ഒരു ലക്ഷത്തിൽ അധികം ഭക്തരാണ്. ഇത്തവണത്തെ മണ്ഡലകാലത്ത് ഒരു ലക്ഷത്തിൽ അധികം ഭക്തർ പതിനെട്ടാം പടി ചവിട്ടുന്നത് ഇതാദ്യമാണ്.
തുടർച്ചയായ അവധി ദിനങ്ങളും മണ്ഡല പൂജ അടുക്കുന്നതും തിരക്കിന് കാരണമായെന്നാണ് വിലയിരുത്തൽ. മണിക്കൂറുകൾ ഇടവിട്ടാണ് പമ്പയിൽ നിന്ന് തീർത്ഥാടകരെ കടത്തിവിടുന്നത്. നിലയ്‌ക്കലും ഇടത്താവളങ്ങളിലും ഭക്തരുടെ തിരക്ക് മൂലം വാഹനങ്ങൾക്കും നിയന്ത്രണം ഏർപ്പെടുത്തി.
പ്രതികരിക്കാൻ ഇവിടെ എഴുതുക: