ചക്കുളത്തുകാവ്: ചക്കുളത്തുകാവ് ശ്രീഭഗവതി ക്ഷേത്രത്തിലെ പ്രസിദ്ധമായ തിരുവാഭരണ ഘോഷയാത്ര 27 ന് നടക്കും. രാവിലെ 8.30ന് കലശാഭിഷേകത്തോടെ ചടങ്ങുകള് ആരംഭിക്കും.
ഉച്ചകഴിഞ്ഞ് മൂന്നിന് കാവുംഭാഗം തിരുഏറങ്കാവ് ശ്രീ ഭഗവതി ക്ഷേത്രത്തില് നിന്നും കൊട്ടും കുരവയും വാദ്യോപകരണങ്ങളുടേയും അകമ്പടിയോടെ ദേവിക്ക് ചാര്ത്താനായി തങ്ക തിരുവാഭരണം വഹിച്ചു കൊണ്ടുള്ള ഘോഷയാത്ര രാത്രി ഒന്പതിന് ചക്കുളത്തുകാവ് ഭഗവതി ക്ഷേത്രത്തില് എത്തിച്ചേരും. തുടര്ന്ന് ദേവിക്ക് തിരുവാഭരണം ചാര്ത്തി അഷ്ടൈശ്വര്യ ദീപാരാധന നടക്കും. തിരുവാഭരണ ഘോഷയാത്രക്ക്കാര്യദര്ശി മണിക്കുട്ടന് നമ്പൂതിരി തിരുവാഭരണ ഘോഷയാത്രയ്ക്ക് നേത്യുത്വം നല്കും.
പന്ത്രണ്ട് നോയമ്പ് മഹോത്സവത്തിന്റെ ഭാഗമായി യജ്ഞാചാര്യന് പള്ളിക്കല് സുനിലിന്റെ നേതൃത്വത്തില് നടന്ന ദേവീഭാഗവത നവാഹയജ്ഞം സമാപിച്ചു. ചടങ്ങുകള്ക്ക് മുഖ്യകാര്യദര്ശിമാരായ രാധാകൃഷ്ണന് നമ്പൂതിരി, ഉണ്ണികൃഷ്ണന് നമ്പൂതിരി, കാര്യദര്ശി മണിക്കുട്ടന് നമ്പൂതിരി, മേല്ശാന്തിമാരായ അശോകന് നമ്പൂതിരി, രഞ്ജിത്ത് ബി. നമ്പൂതിരി, ദുര്ഗ്ഗാദത്തന് നമ്പൂതിരി, ക്ഷേത്ര തന്ത്രി ഒളശ്ശമംഗലത്ത് ഇല്ലത്ത് ഗോവിന്ദന് നമ്പൂതിരി എന്നിവര് കാര്മ്മികത്വം വഹിച്ചു. സമാപന ദിവസമായ 28ന് കാവടി കരകാട്ടവും ചക്കരക്കുളത്തില് ആറാട്ടും തൃക്കൊടിയിറക്കവും തുടര്ന്ന് മഞ്ഞനീരാട്ടും നടക്കും.
