മുംബയ് : ഇന്ത്യയ്‌ക്കെതിരായ ടെസ്റ്റില്‍ രണ്ടാം ഇന്നിംഗ്‌സില്‍ മെച്ചപ്പെട്ട ബാറ്റിംഗുമായി ഓസ്‌ട്രേലിയ. മൂന്നാം ദിവസം കളി അവസാനിക്കുമ്പോള്‍ ഓസ്‌ട്രേലിയ അഞ്ച് വിക്കറ്റ് നഷ്ടത്തില്‍ 235 റണ്‍സ് എന്ന നിലയിലാണ്.
ഓസ്‌ട്രേലിയയ്‌ക്ക് 46 റണ്‍സിന്റെ ലീഡാണ് ഇപ്പോഴുളളത്.താഹ്‌ലിയ മഗ്രാത്ത് 73 റണ്‍സ് നേടി ടീമിന്റെ ടോപ് സ്‌കോറര്‍ ആയപ്പോള്‍ എല്‍സെ പെറി 45 റണ്‍സ് നേടി.
ബെത്ത് മൂണി 33 റണ്‍സും അലൈസ ഹീലി 32 റണ്‍സുമെടുത്തു. അന്നബെല്‍ സത്തര്‍ലാണ്ട് 12 റണ്‍സും ആഷ്‌ലൈ ഗാര്‍ഡ്‌നര്‍ ഏഴ് റണ്‍സുമായി ക്രീസിലുണ്ട്.
ആദ്യ ഇന്നിംഗ്‌സില്‍ ഓസ്‌ട്രേലിയ 219 റണ്‍സിന് പുറത്തായിരുന്നു. ഇന്ത്യയ്‌ക്ക് വേണ്ടി സ്‌നേഹ് റാണയും ഹര്‍മ്മന്‍പ്രീത് കൗറും രണ്ട് വീതം വിക്കറ്റ് നേടി.
പ്രതികരിക്കാൻ ഇവിടെ എഴുതുക: