തിരുവനന്തപുരം : നവകേരള സദസ്സിനിടെ കരിങ്കൊടി കാട്ടിയ യൂത്ത് കോണ്‍ഗ്രസുകാരെ പോലീസും ഡിവൈഎഫ്‌ഐ പ്രവര്‍ത്തകരും മര്‍ദിച്ചതില്‍ പ്രതിഷേധിച്ച് കോണ്‍ഗ്രസ് പ്രഖ്യാപിച്ച ഡിജിപി ഓഫിസ് മാര്‍ച്ചിന് നേരെ പോലീസിന്റെ അതിക്രമം. ഡിജിപി ഓഫീസിലേക്ക്് മാര്‍ച്ച് നടത്തിയശേഷം സമിപത്തെ സ്റ്റേഡില്‍ കെ. സുധാകരന്റെ പ്രസംഗത്തിന്‌ശേഷം പ്രതിപക്ഷ നേതാവ് സംസാരിക്കുന്നതിനിടെ പോലീസ് ജല പീരങ്കി പ്രയോഗിക്കുകയും പിന്നാലെ കണ്ണീര്‍വാതകവും ഉപയോഗിച്ചു.
ഇതോടെ വി.ഡി. സതീശന്‍ പ്രസംഗം നിര്‍ത്തിയെങ്കിലും കണ്ണീര്‍ വാതകവും ജലപീരങ്കിയും ഉപയോഗിക്കലും തുടര്‍ന്നു. അതിനിടെ കെ. സുധാകരന് ദേഹാസ്വാസ്ഥ്യം അനുഭവപ്പെടുകയും ശാസ്താംകോട്ടയിലെ ആശുപത്രിയിലേക്ക് മാറ്റുകയും ചെയ്തു. കെപിസിസി ആസ്ഥാനത്തു നിന്നാരംഭിച്ച മാര്‍ച്ചിന് പ്രസിഡന്റ് കെ.സുധാകരന്, പ്രതിപക്ഷ നേതാവ് വി.ഡി.സതീശന്‍, രമേശ് ചെന്നിത്തല, എം.എം.ഹസന്‍, കെ.മുരളീധരന്‍ തുടങ്ങി സംസ്ഥാനത്തെ കോണ്‍ഗ്രസ് നേതാക്കളെല്ലാം പങ്കെടുത്തിരുന്നു.
നവംബര്‍ 18ന് കാസര്‍കോട് നിന്നാരംഭിച്ച നവകേരള സദസ് ഇന്നു തലസ്ഥാനത്തു സമാപിക്കാനിരിക്കെയാണ് കോണ്‍ഗ്രസ് ഇന്നു രാവിലെ പത്തിന് ഡിജിപി ഓഫിസിലേക്കു മാര്‍ച്ച് പ്രഖ്യാപിച്ചത്. സമാപന നാള്‍ തന്നെ പ്രതിപക്ഷ പ്രതിഷേധം കൂടി നടക്കുന്നതിനാല്‍ കര്‍ശന സുരക്ഷ ഏര്‍പ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: