തിരുവനന്തപുരം: റേഷന്‍കടകളിലൂടെ വില കുറച്ച് കുടിവെള്ളം ലഭ്യമാക്കുന്ന പദ്ധതിയുടെ ഉദ്ഘാടനം ശനിയാഴ്ച. ഭക്ഷ്യ പൊതുവിതരണ വകുപ്പും ജലവിഭവ വകുപ്പും ചേര്‍ന്നുളള സുജലം പദ്ധതിയുടെ ഉദ്ഘാടനം തിരുവനന്തപുരം തൈക്കാട് ഗവ. റസ്റ്റ് ഹൗസിലാണ്. ഉച്ചയ്‌ക്ക് രണ്ട് മണിക്ക്മന്ത്രി ജി.ആര്‍.അനില്‍ നിര്‍വഹിക്കും.
ഒരു ലിറ്ററിന് 10 രൂപ നിരക്കില്‍ കുടിവെള്ളം വിതരണം ചെയ്യും.സംസ്ഥാന ജലവിഭവ വകുപ്പിന്റെ കീഴിലെ കേരള ഇറിഗേഷന്‍ ഇന്‍ഫ്ര സ്ട്രക്ടര്‍ ഡെവലപ്‌മെന്റ് കോര്‍പ്പറേഷന്‍ ലിമിറ്റഡ് ഉത്പാദിപ്പിക്കുന്ന ഹില്ലി അക്വാ കുടിവെള്ളമാണ് വിതരണം ചെയ്യുന്നത്.
ആദ്യ ഘട്ടത്തില്‍ കൊാല്ലം, പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലെ റേഷന്‍ കടകളിലാണ് പദ്ധതി നടപ്പിലാക്കുന്നത്. മന്ത്രിമാരായ റോഷി അഗസ്റ്റിന്‍, ആന്റണി രാജു എന്നിവര്‍ ഉദ്ഘാടന ചടങ്ങില്‍ സംബന്ധിക്കും.
പ്രതികരിക്കാൻ ഇവിടെ എഴുതുക: