ബിയർ നൽകാത്തതിൽ പ്രകോപനം; മൂന്ന് പേരെ കുത്തിപ്പരിക്കേൽപ്പിച്ച രണ്ട് പേർ പിടിയിൽ

എറണാകുളം: ബിയർ നൽകാത്തതിൽ പ്രകോപിതനായി പറവൂരിൽ ബാറിൽ വച്ച് മൂന്ന് പേരെ കുത്തി പരിക്കേൽപ്പിച്ച കേസിൽ രണ്ട് പേർ അറസ്റ്റിൽ. വടക്കൻ സ്വദേശികളായ നിക്‌സൻ, സനൂപ് എന്നിവരെയാണ് പോലീസ് അറസ്റ്റ് ചെയ്തത്. പറവൂർ ടൗണിലെ ജയ ബാറിൽ ഇന്നലെ രാത്രിയോടെയായിരുന്നു സംഭവം.

കുത്തേറ്റവർ ആലുവയിലെ സ്വകാര്യ ആശുപത്രിയിലും തൃശൂർ മെഡിക്കൽ കോളേജിലും ചികിത്സയിലാണ്. കുടിച്ച് കൊണ്ടിരുന്ന ബിയർ പ്രതികൾ ആവശ്യപ്പെട്ടു.എന്നാൽ ഇത് നൽകാൻ മൂവർ സംഘം തയാറാകാതെ വന്നതോടെയാണ് പ്രതികൾ മർദ്ദിച്ചത്. കൈവശം കരുതിയിരുന്ന കത്തി ഉപയോഗിച്ച് മൂവരെയും കുത്തി പരിക്കേൽപ്പിച്ചു.