ന്യൂദല്‍ഹി: കൊവിഡ് രോഗികള്‍ വര്‍ദ്ധിക്കുന്നതും രാജ്യത്ത് ആദ്യത്തെ ജെഎന്‍.1 വകഭേദത്തിന്റെ കണ്ടെത്തലിനും പിന്നാലെ ബുധനാഴ്ച കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യയുടെ നേതൃത്വത്തില്‍ യോഗം ചേരും.എല്ലാ സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ആരോഗ്യ മന്ത്രിമാര്‍, അഡീഷണല്‍ ചീഫ് സെക്രട്ടറിമാര്‍ (ആരോഗ്യം) തുടങ്ങിയവര്‍ പങ്കെടുക്കും.വിവിധ കേന്ദ്ര മന്ത്രാലയങ്ങളില്‍ നിന്നും വകുപ്പുകളില്‍ നിന്നുമുള്ള ഉദ്യോഗസ്ഥരും യോഗത്തില്‍ സംബന്ധിക്കും.
ആരോഗ്യ സൗകര്യങ്ങളുടെയും സേവനങ്ങളും തയാറെടുപ്പുകളും യോഗത്തില്‍ വിലയിരുത്തും.പുതിയ സാഹചര്യത്തില്‍, കഴിഞ്ഞ ദിവസം കേന്ദ്ര സര്‍ക്കാര്‍ എല്ലാ സംസ്ഥാനങ്ങള്‍ക്കും മാര്‍ഗ്ഗ നിര്‍ദ്ദേശം നല്‍കിയതിന് പിന്നാലെയാണ് കേന്ദ്ര സര്‍ക്കാര്‍ യോഗം ചേര്‍ന്നത്.
കേന്ദ്ര സര്‍ക്കാര്‍ മാര്‍ഗ്ഗ നിര്‍ദ്ദേശങ്ങള്‍ക്ക് പിന്നാലെ രാജ്യത്തുടനീളമുള്ള നിരവധി സംസ്ഥാനങ്ങള്‍ ആരോഗ്യ വിദഗദ്ധരുടെയും ഉന്നത ഉദ്യോഗസ്ഥരുടെയും യോഗം ചേര്‍ന്നു. പൊതുജനങ്ങളോട് ജാഗ്രത പാലിക്കണമെന്ന് ചില ഡോക്ടര്‍മാര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: