ന്യൂദല്‍ഹി: ബിജെപി, ആര്‍എസ്എസ് പ്രവര്‍ത്തകരുടെ കൊലപാതകങ്ങളില്‍ പങ്കുള്ള പോപ്പുലര്‍ ഫ്രണ്ട് ഭീകരര്‍ക്കായി എന്‍ഐഎ ലുക്ക് ഔട്ട് നോട്ടീസ് പുറപ്പെടുവിച്ചു. ഒപ്പം പ്രൊഫ. ടി.ജെ. ജോസഫിന്റെ കൈവെട്ടിയ കേസിലെ മുഖ്യപ്രതി സവാദിനായും ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്.
പാലക്കാട്ട് ആര്‍എസ്എസ് മുന്‍ ജില്ലാ ശാരീരിക് പ്രമുഖ് ശ്രീനിവാസന്റെ കൊലപാതകത്തില്‍ പങ്കുള്ള ഭീകരര്‍ പാലക്കാട് പട്ടാമ്പി സ്വദേശി മുഹമ്മദ് മന്‍സൂര്‍, കൂറ്റനാട് സ്വദേശി ഷാഹുല്‍ ഹമീദ്, ഒറ്റപ്പാലം സ്വദേശി മുഹമ്മദലി, എറണാകുളം ആലങ്ങാട് സ്വദേശി മുഹമ്മദ് യാസിര്‍, മലപ്പുറം കൊളത്തൂര്‍ സ്വദേശി ഷഫീക് പി,എറണാകുളം കുന്നത്തുനാട് സ്വദേശി റഫീക് എം.എസ് എന്നിവരാണ് പട്ടികയിലുള്ളവര്‍.
പ്രതികളുടെ ചിത്രങ്ങളും വിവരങ്ങളും എന്‍ഐഎ പുറത്തു വിട്ടിട്ടുണ്ട്. ലിസ്റ്റില്‍ ഉള്‍പ്പെട്ട ഭീകരരെപ്പറ്റി എന്തെങ്കിലും വിവരം ലഭിക്കുന്നവര്‍ എന്‍ഐഎ ഉദ്യോഗസ്ഥരുമായി ബന്ധപ്പെടണമെന്നും അന്വേഷണ ഏജന്‍സി പറഞ്ഞു. പ്രതികളെപ്പറ്റി വിവരം ലഭിക്കുന്നവര്‍ +91-9497715294 എന്ന നമ്പറില്‍ വിവരം കൈമാറണം.
പ്രൊഫ.ടി.ജെ .ജോസഫിന്റെ കൈപ്പത്തി വെട്ടിമാറ്റിയ കേസിലെ പ്രതിയും പിഎഫ്‌ഐ ഭീകരനുമായ എറണാകുളം അശമന്നൂര്‍ നൂലേലി സ്വദേശി സവാദിനായും എന്‍ഐഎ ലുക്ക് ഔട്ട് നോട്ടീസ് പുറപ്പെടുവിച്ചു. സവാദിനെക്കുറിച്ച് എന്തെങ്കിലും വിവരം ലഭിക്കുന്നവര്‍ അന്വേഷണ ഉദ്യോഗസ്ഥരുമായി ബന്ധപ്പെടണമെന്ന് എന്‍ഐഎ ആവശ്യപ്പെട്ടു. പ്രതിയെക്കുറിച്ച് വിവരങ്ങള്‍ അറിയിക്കുന്നവര്‍ക്ക് പാരിതോഷികം നല്‍കും.
9497715294 എന്ന വാട്‌സ്ആപ്പ് നമ്പറിലേക്ക് മെസേജ് അയച്ചും വിവരങ്ങളറിയിക്കാം.
പ്രതികരിക്കാൻ ഇവിടെ എഴുതുക: