കോഴിക്കോട്: ഓര്‍ക്കാട്ടേരിയില്‍ ഭര്‍തൃഗൃഹത്തില്‍ യുവതി ആത്മഹത്യ ചെയ്ത സംഭവത്തില്‍ ഭര്‍ത്താവിന്റെ സഹോദരി ഹഫ്‌സത്ത് പൊലീസില്‍ കീഴടങ്ങി. മുന്‍കൂര്‍ ജാമ്യാപേക്ഷ കോടതി തള്ളിയ പശ്ചാത്തലത്തിലാണിത്.നിരന്തര പീഡനത്തെ തുടര്‍ന്നാണ് ഷബ്‌ന ആത്മഹത്യ ചെയ്തത്.
റിമാന്‍ഡിലുള്ള ഭര്‍ത്താവിന്റെ അമ്മാവന്‍ ഹനീഫയുടെ ജാമ്യാപേക്ഷയും കോഴിക്കോട് ജില്ലാ കോടതി തള്ളിയിട്ടുണ്ട്. ഭര്‍ത്താവിന്റെ അമ്മ നബീസയും റിമാന്‍ഡിലാണ്.
ആരോഗ്യകാരണങ്ങളാല്‍ ഷബ്‌നയുടെ ഭര്‍ത്താവ് ഹബീബിന്റെ പിതാവിന് കോടതി മുന്‍കൂര്‍ ജാമ്യം നല്‍കി. ഈ മാസം 4നാണ് ആയഞ്ചേരി സ്വദേശിനി ഷബ്‌ന ഓര്‍ക്കാട്ടേരിയിലെ ഭര്‍തൃ ഗൃഹത്തില്‍ തൂങ്ങി മരിച്ചത്. ഭര്‍ത്താവിന്റെ അമ്മാവന്‍ ഹനീഫ മര്‍ദ്ദിച്ചതിന് പിന്നാലെയായിരുന്നു ആത്മഹത്യ.
പ്രതികരിക്കാൻ ഇവിടെ എഴുതുക: