ഭോപ്പാല്: തലയ്ക്ക് 14 ലക്ഷം രൂപ വിലയിട്ട മാവോയിസ്റ്റിനെ സുരക്ഷാസേന വധിച്ചു. മധ്യപ്രദേശിലെ ബാലാഘട്ട് ജില്ലയില് പൊലീസിന്റെ എലൈറ്റ് കോംബാറ്റ് യൂണിറ്റ് അംഗങ്ങളുമായുളള ഏറ്റുമുട്ടലില് ചൈതു എന്ന മഡ്കം ഹിദ്മയാണ് കൊല്ലപ്പെട്ടത്. മധ്യപ്രദേശ്, മഹാരാഷ്ട്ര, ചത്തീസ്ഗഡ് എന്നീ സംസ്ഥാനങ്ങളാണ് ഹിദ്മയുടെ തലയ്ക്ക് 14 ലക്ഷം രൂപ വിലയിട്ടത്.
ചത്തീസ്ഗഡിലെ ബീജാപൂര് സ്വദേശിയാണ് കൊല്ലപ്പെട്ട ഹിദ്മ. ബാലാഘട്ട് ജില്ലയില് ഖംകോദാദര് വനമേഖലയില് നടന്ന വെടിവയ്പ്പിലാണ് ഇയാളെ വധിച്ചത്.
സുരക്ഷാ സേനയ്ക്കെതിരെ നടന്ന നിരവധി ആക്രമണങ്ങളില് പങ്കുള്ളയാളാണ് മഡ്കം ഹിദ്മ.ഹിദ്മയുടെ സഹോദരന് സീതു മഡ്കം മാവോയിസ്റ്റ് പ്ലാറ്റൂണിന്റെ ഡെപ്യൂട്ടി കമാന്ഡറാണെന്നാണ് വിവരം.
