ആർട്ടിഫിഷ്യൽ ഇന്റലിജൻസിനെ നിയന്ത്രിക്കുന്നതിന് വേണ്ട സമഗ്ര നിയമങ്ങളുടെ കരാറിന് അംഗീകാരം നൽകി യൂറോപ്യൻ യൂണിയൻ. യുഎസ്, ചൈന, യുകെ എന്നീ രാജ്യങ്ങൾ നിയമങ്ങൾ പ്രാബല്യത്തിൽ വരുത്തുന്നതിന് മുമ്പാണ് യൂറോപ്യൻ യൂണിയൻ നിയമ നിർമ്മാണം നടത്തിയിരിക്കുന്നത്. യൂറോപ്യൻ പാർലമെന്റും യൂറോപ്യൻ യൂണിയൻ അംഗങ്ങളും തമ്മിൽ നടന്ന 37 മണിക്കൂർ നീണ്ട ചർച്ചകൾക്കൊടുവിലാണ് കരാറിന് ധാരണയായത്.
ചരിത്രപ്രധാനം എന്നാണ് നിയമനിർമാണത്തിന് മേൽനോട്ടം വഹിച്ച യൂറോപ്യൻ കമ്മീഷണറായ തിയറി ബ്രെട്ടൺ ഇതിനെ വിശേപ്പിച്ചത്. എഐയ്‌ക്ക് പുറമെ സമൂഹമാദ്ധ്യമങ്ങളും സെർച്ച് എഞ്ചിനുകളും പുതിയ നിയമത്തിലൂടെ നിയന്ത്രിക്കപ്പെടുന്നതായിരിക്കുമെന്ന് അധികൃതർ അറിയിച്ചു. എക്സ്, ടിക് ടോക്, ഗൂഗിൾ എന്നിങ്ങനെ എല്ലാ ഓൺലൈൻ പ്ലാറ്റ്ഫോമുകളും ഈ നിയമത്തിന് കീഴിലാകും വരിക.
നിലവിൽ ഫ്രാൻസ്, ജർമനി എന്നീ രാജ്യങ്ങൾ കരാർ വ്യവസ്ഥകൾ അംഗീകരിച്ചിട്ടുണ്ട്. എന്നാൽ ചെറുകിട കമ്പനികൾക്ക് പ്രയോജനകരമാകുന്ന വിധത്തിൽ നിയമം ലളിതമാക്കണമെന്ന നിലപാടാണ് ഈ രാജ്യങ്ങളിലെ കമ്പനികൾക്കുള്ളതെന്ന് അധികൃതർ പറയുന്നു. നിയമം സംബന്ധിച്ച വിശദാംശങ്ങൾ ഇതുവരെ പുറത്തുവിട്ടിട്ടില്ല. 2025-ന് മുമ്പ് ഈ നിയമങ്ങൾ പ്രാബല്യത്തിൽ വന്നേക്കുമെന്നാണ് പുറത്തുവരുന്ന റിപ്പോർട്ടുകൾ.
പ്രതികരിക്കാൻ ഇവിടെ എഴുതുക