പാലക്കാട്: അഖിലഭാരതീയ പൂര്‍വ്വ സൈനിക സേവാ പരിഷത്ത് 12 ാം സംസ്ഥാന സമ്മേളനം 24 ന് കേന്ദ്രമന്ത്രി വി.കെ. സിങ് ഉദ്ഘാടനം ചെയ്യും. വടക്കന്തറ അശ്വതി കല്യാണ മണ്ഡപത്തില്‍ (നായ്ക് വൈശാഖ് നഗര്‍) നടക്കുന്ന സമ്മേളനത്തില്‍ ലഫ്. ജനറല്‍ വി.കെ. ചതുര്‍വേദി മുഖ്യപ്രഭാഷണം നടത്തും. മേജര്‍ ജനറല്‍ ഡോ. പി. വിവേകാനന്ദന്‍ അധ്യക്ഷത വഹിക്കും.
ആര്‍എസ്എസ് പ്രാന്ത സഹപ്രചാരക് എ. വിനോദ്, ദക്ഷിണക്ഷേത്രീയ സംഘടനാ സെക്രട്ടറി വേലായുധന്‍ കളരിക്കല്‍, ഡിഎസ്ഒഐ ചെയര്‍മാന്‍ റിയര്‍ അഡ്മിറല്‍ കെ.എം. നായര്‍ എന്നിവര്‍ സംസാരിക്കും. പരിഷത്ത് സംസ്ഥാന സെക്രട്ടറി മുരളീധര ഗോപാല്‍, ട്രഷറര്‍ പി.പി. ശശിധരന്‍, സംസ്ഥാന വര്‍ക്കിങ് പ്രസിഡന്റ് മധു വട്ടവിള, സംസ്ഥാന സംഘടനാ സെക്രട്ടറി കെ. സേതുമാധവന്‍ പങ്കെടുക്കും.
പാലക്കാട് ജില്ലയിലെ ഗാലന്‍ട്രി അവാര്‍ഡ് ജേതാക്കളായ വിമുക്തഭടന്മാരെയും വീരമൃത്യു വരിച്ച സൈനികരുടെ ഭാര്യമാരെയും ആദരിക്കും. മേല്‍പ്പറഞ്ഞ വിഭാഗത്തിലുള്ളവര്‍ അവരുടെ വിശദവിവരങ്ങള്‍ 15ന് മുമ്പ് കണ്‍വീനര്‍ റിട്ട. കേണല്‍ അച്യുതനെ അറിയിക്കണം. ഫോണ്‍: 8281451092.
പ്രതികരിക്കാൻ ഇവിടെ എഴുതുക: