ലഖ്നൗ: ഉത്തർപ്രദേശിലെ ഹാമിർപൂർ ജില്ലയിൽ 11 വയസുകാരിയെ പള്ളിക്കുള്ളിൽ വച്ച് ബലാത്സംഗം ചെയ്തതിന് മൗലവി അറസ്റ്റിൽ. മുൻതാസിർ ആലം എന്ന 30കാരനാണ് അറസ്റ്റിലായത്. കുരാറ പൊലീസ് സ്റ്റേഷൻ പരിധിയിലെ പള്ളിയിൽ വിദ്യാർഥിയെ ഉറുദു പഠിപ്പിക്കുമായിരുന്നു.
മുൻതാസിർ ആലമിനെതിരെ ബലാത്സംഗ കുറ്റത്തിന് പുറമെ പോക്സോയും ഉൾപ്പെടെയുള്ള വകുപ്പുകൾ ചുമത്തിയാണ് ഉത്തർ പ്രദേശ് പോലീസ് മൗലവിയെ അറസ്റ്റ് ചെയ്തിരിക്കുന്നത്. ഇയാളെ പോലീസ് വിശദമായി ചോദ്യം ചെയ്യുകയാണ്. കുട്ടിയുടെ അമ്മാവന്റെ പരാതിയിലാണ് നടപടിയെന്ന് ഇൻസ്പെക്ടർ ഇൻ ചാർജ് ശ്രീപ്രകാശ് യാദവ് പറഞ്ഞു.
തന്റെ ഇളയ സഹോദരനൊപ്പമാണ് പെൺകുട്ടി പള്ളിയിൽ ഉർദു പഠിക്കാൻ പോയത്. ഇരുവരും പള്ളിയിലെത്തിയപ്പോൾ പ്രതിയായ മൗലവി ഇരയുടെ സഹോദരന് മിഠായി നൽകിയ ശേഷം അവനെ പുറത്ത് ഇരുത്തി പഠിക്കാൻ പ്രേരിപ്പിക്കുകയും ചെയ്തു. ഇതിനിടെ, മുൻതാസിർ ആലം പെൺകുട്ടിയെ പള്ളിയിലെ മുറിക്കുള്ളിൽ കൊണ്ടുപോയി ക്രൂരമായി ബലാത്സംഗം ചെയ്യുകയായിരുന്നു.
പെൺകുട്ടിയുടെ നിലവിളി കേട്ട് മറ്റ് വിദ്യാർത്ഥികൾ ഓടിക്കൂടിയതോടെ പ്രതി പെൺകുട്ടിയെ വിട്ടയയ്‌ക്കുകയായിരുന്നു. രക്തത്തിൽ മുങ്ങിക്കുളിച്ച് വല്ല വിധേനെയും വീട്ടിലെത്തിയ പെൺകുട്ടി ബന്ധുക്കളോട് വിവരം പറയുകയായിരുന്നു. ബിഹാറിലെ പൂർണിയ സ്വദേശിയാണ് പിടിയിലായ മുന്താസിർ ആലം മൗലവി. അഞ്ച് വർഷങ്ങൾക്ക് മുൻപ് ഹാമിർപൂരിലെത്തിയ ഇയാൾ, ചില സമുദായ പ്രമാണിമാരുടെ പിന്തുണയോടെയാണ് പള്ളിയിലെ ഉർദു അദ്ധ്യാപകനായി നിയമിതനായത്.
പ്രതികരിക്കാൻ ഇവിടെ എഴുതുക: