മൂന്നാം പ്രതി അനുപമയുടെ ചിത്രം പുറത്ത്; പത്മകുമാർ കേസിൽ ഒന്നാം പ്രതി; മൂന്ന് പേരുടെയും അറസ്റ്റ് രേഖപ്പെടുത്തി

കൊല്ലം: ആറ് വയസുകാരിയെ തട്ടിക്കൊണ്ടുപോയ കേസിൽ പ്രതികളുടെ അറസ്റ്റ് രേഖപ്പെടുത്തി. ഒന്നാം പ്രതി ചാത്തന്നൂർ സ്വദേശി പത്മകുമാർ, രണ്ടാം പ്രതി അനിത, മൂന്നാം പ്രതി ഇവരുടെ മകൾ അനുപമ. പ്രതികളെ പൂയപ്പള്ളി പോലീസ് സ്‌റ്റേഷനിൽ ഹാജരാക്കിയതിന് ശേഷം കൊട്ടാരക്കര കോടതിയിൽ ഹാജരാക്കും.

ലോൺ ആപ്പ് മുഖേനയും പത്മകുമാർ വായ്പ എടുത്തിരുന്നതായാണ് മൊഴി. അഞ്ച് ലക്ഷം ഫോളോവേഴ്‌സുള്ള യൂട്യൂബറാണ് അനുപമ. ഒരു മാസം മുമ്പാണ് അവസാനമായി വീഡിയോ പോസ്റ്റ് ചെയ്തിരിക്കുന്നത്. ഹോളിവുഡ് താരങ്ങളെയും സെലിബ്രിറ്റികളെയും കുറിച്ചാണ് വീഡിയോകൾ ഏറെയുമുള്ളത്.

ഇവരുടെ വൈറൽ വീഡിയോകളുടെ റിയാക്ഷൻ വീഡിയോയും ഷോർട്‌സുമാണ് അനുപമ പത്മൻ എന്ന യൂട്യൂബ് ചാനലിൽ കൂടുതലായി പോസ്റ്റ് ചെയ്തിരിക്കുന്നത്. ചാനലിൽ അവസാനമായി വീഡിയോ പോസ്റ്റ് ചെയ്തത് ഒരു മാസം മുമ്പാണ്. കിഡ്നാപ്പിംഗിന് പല തവണ ശ്രമിച്ചു, ഭീഷണിക്കത്ത് തയാറാക്കി. കേസിൽ മറ്റാർക്കും പങ്കില്ല എന്നും പ്രതികൾ മൊഴി നൽകി.