ശബരിമല: ശബരീശ സന്നിധിയില്‍ ഭക്തിയുടെ സംഗീത തിരയിളക്കി ഡ്രം മാന്ത്രികന്‍ ശിവമണി. ലോകം കൊതിയോ ടെ കേള്‍ക്കാന്‍ ആഗ്രഹിക്കുന്ന നാദവിസ്മയം ശിവമണിയുടെ കൈകള്‍ ഉയര്‍ന്നു താഴുമ്പോള്‍ കേള്‍ക്കാന്‍ ആഗ്രഹിക്കുന്ന മാന്ത്രികതയ്‌ക്കു അയ്യന്റെ പൂങ്കാവനം വീണ്ടും വേദിയായി.
കൂടെ താളം പിടിച്ചു ഒപ്പം കൂടി മകള്‍ മിലാന. സംഗീതത്തില്‍ സ്വയം അലിഞ്ഞു താളം പിടിച്ചു ഭക്തജനങ്ങളും. സന്നിധാനം ശ്രീ ശാസ്താ ഓഡിറ്റോറിയത്തില്‍ ശിവമണിക്കു കൂട്ടിനു മലയാളികളുടെ പ്രിയ ഗായകന്‍ സുധീപ് കുമാറും കീ ബോര്‍ഡുമായി പ്രകാശ് ഉള്ളിയേരിയും ശിവമണിക്കൊപ്പമുണ്ടായിരുന്നു. ശിവമണിയുടെ ശംഖൊലിയില്‍ ആരംഭിച്ച പരിപാടി സുധീപ് കുമാറിന്റെ ഗാനാലാപത്തിലൂടെ കടന്നു ശിവമണിയും പ്രകാശ് ഉള്ളിയേരിയുടേയും ഫ്യൂഷനിലാണ് അവസാനിച്ചത്. എല്ലാവരും അയ്യനെ കണ്ടു സന്തോഷത്തോടെ മലയിറങ്ങണം. പിറന്നാള്‍ ദിനത്തില്‍ അയ്യപ്പനു നല്‍കുന്ന നേര്‍ച്ചയാണു തന്റെ കൈകളിലൂടെ വരുന്ന സംഗീതം. കന്നി മാളികപ്പുറമായ മകളുടെ ആദ്യ വേദിയാണ് സന്നിധാനത്തിലേതെന്നും ശിവമണി പറഞ്ഞു.
1984 മുതല്‍ തുടര്‍ച്ചയായി മണ്ഡലകാലത്ത് ശിവമണി ശബരിമല സന്ദര്‍ശനം നടത്തുന്നു. പുതിയ തായി വാങ്ങിയ ഓട്ടോ ഡ്രം എന്ന വാദ്യോപകരണത്തിന്റെ തുടക്കവും ശിവമണി സന്നിധാനത്തുനിന്നും ആരംഭിച്ചു.
പ്രതികരിക്കാൻ ഇവിടെ എഴുതുക: