പൂവാര്‍: പണം അപഹരിച്ചെന്ന സംശയത്തെ തുടര്‍ന്ന് സുഹൃത്തിനെ വീട്ടില്‍ വിളിച്ചവരുത്തി കണ്ണ് കുത്തിപ്പൊട്ടിച്ചു. സുഹൃത്തിന്റെ അക്രമത്തില്‍ കാഞ്ഞിരംകുളം കഴിവൂര്‍ കൊറ്റംപഴിഞ്ഞി മേലേവിളാകം വീട്ടില്‍ ശരത് (19)ന്റെ ഇടതു കണ്ണിന്റെ കാഴ്ച നഷ്ടപ്പെട്ടു. സംഭവത്തില്‍ കാഞ്ഞിരംകുളം പനനിന്ന വീട്ടില്‍ അജയ് (23) നെതിരെ കാഞ്ഞിരംകുളം പോലീസ് കേസെടുത്തു.
കാഞ്ഞിരംകുളത്ത് അജയ്‌യുടെ ബന്ധുവിന്റെ കടയില്‍ സൂക്ഷിച്ചിരുന്ന പണം ശരത് മോഷ്ടിച്ചെന്ന സംശയമാണ് അക്രമത്തിന് കാരണമെന്ന് കാഞ്ഞിരംകുളം സിഐ ഉദയകുമാര്‍ പറഞ്ഞു. മാരകമായി പരിക്കേറ്റ ശരത് തിരുവനന്തപുരം കണ്ണാശുപത്രിയില്‍ ചികിത്സയിലാണ്. അജയ് പോലീസ് കസ്റ്റഡിയിലായതായിട്ടാണ് സൂചന.
പ്രതികരിക്കാൻ ഇവിടെ എഴുതുക: