കൊല്ലം: ഓയൂരില് ആറ് വയസുകാരിയെ തട്ടിക്കൊണ്ട് പോയ കേസില് മൂന്ന് പേരെ തമിഴ്നാട്ടില് നിന്ന് കസ്റ്റഡിയിലെടുത്തു. തമിഴ്നാട്ടിലെ തെങ്കാശി പുളിയറയില് നിന്നാണ് ഇവരെ കസ്റ്റഡിയിലെട്ടുത്തത്.
രണ്ട് പുരുഷന്മാരും ഒരു സ്ത്രീയുമാണ് കസ്റ്റഡിയിലായത്. കൊല്ലം കമ്മീഷണറുടെ സ്ക്വാഡാണ് ഇവരെ കസ്റ്റഡിയിലെടുത്തത്.
കസ്റ്റഡിയിലുളളവര് ചാത്തന്നൂര് സ്വദേശികളാണ്. കുട്ടിയുടെ പിതാവ് റെജിയുമായി സാമ്പത്തിക ഇടപാടുളളവരാണ് ഇവരെന്നാണ് റിപ്പോര്ട്ട്.ഇവരെ കൊല്ലത്തേക്ക് കൊണ്ടുവരികയാണ്.
കുട്ടിയെ തട്ടിക്കൊണ്ടു പോയ ശേഷം കിഴക്കനേലയിലെ കടയില് നിന്ന് ഒരു യുവതിയും പുരുഷനും ഓട്ടോയില് ബിസ്കറ്റും റസ്കും വാങ്ങാനെത്തുകയും കടയുടമയായ സ്ത്രീയുടെ ഫോണില് നിന്ന് കുട്ടിയുടെ അമ്മയുടെ ഫോണിലേക്ക് വിളിച്ച് മോചനദ്രവ്യം
ആവശ്യപ്പെടുകയും ചെയ്തിരുന്നു. ഓട്ടോറിക്ഷ ഡ്രൈവറെ ഇന്ന് പൊലീസ് കണ്ടെത്തിയിരുന്നു.
