കൊല്ലം: ഓയൂരിലെ ആറ് വയസുകാരിയെ തട്ടിക്കൊണ്ട് പോകാൻ ഉപയോഗിച്ച കൂടുതൽ ദൃശ്യങ്ങൾ പുറത്ത്. നവംബർ 24-ന് തീയതിയിലെ ദൃശ്യങ്ങളാണ് പുറത്ത് വന്നിരിക്കുന്നത്. തട്ടിക്കൊണ്ട് പോകുന്നതിന് മൂന്ന് ദിവസം മുമ്പും സമാനപാതയിലൂടെ സംഘം യാത്ര ചെയ്തിരുന്നു. കൊല്ലം പള്ളിക്കൽ മൂതലയിൽ നിന്നുമുള്ള ദൃശ്യങ്ങളാണ് പുറത്ത് വന്നിരിക്കുന്നത്.
വെള്ളിയാഴ്ച ഉച്ചയ്ക്ക് രണ്ടരയോടെയാണ് വെള്ള സ്വിഫ്റ്റ് കാർ കടന്നു പോയത്. പാരിപ്പള്ളിയിൽ നിന്നും ചടയമംഗലത്തേക്കാണ് വാഹനം പോയത്. അതേസമയം ആറ് വയസുകാരിയെ തട്ടിക്കൊണ്ട് പോയ കേസിൽ അന്വേഷണം എങ്ങുമെത്താതെ നിൽക്കുകയാണ്. പ്രത്യേക അന്വേഷണ സംഘത്തെ നിയോഗിച്ചിട്ടും ഇനിയും തുമ്പുകളൊന്നും ലഭിച്ചിട്ടില്ല. പ്രതികൾ വാഹനത്തിൽ പോയ കൂടുതൽ ഇടങ്ങളിലെ സിസിടിവി ദൃശ്യങ്ങൾ പോലീസ് സംഘം ശേഖരിച്ചിട്ടുണ്ട്.
