കൊല്ലം: തട്ടിക്കൊണ്ടു പോകപ്പെട്ട അഭിഗല് സാറ റെജിയെ കണ്ടെത്തിയെങ്കിലും ഉടന് വീട്ടിലെത്തിക്കില്ല. കുട്ടിയെ ആശുപത്രിയിലേക്ക് മാറ്റും.നിലവില് കുട്ടിയെ എ ആര് ക്യാമ്പിലെത്തിച്ചു.
കുട്ടിയുടെ ആരോഗ്യനില കണക്കിലെടുത്താണാണ് ആശുപത്രിയിലേക്ക് മാറ്റുന്നത്. കൊല്ലത്തെ സ്വകാര്യ ആശുപത്രിയിലേക്കാണ് കുട്ടിയെ മാറ്റുന്നത്.
കുട്ടി ക്ഷീണിതയാണെന്നാണ് അറിയുന്നത്. വീട്ടില് വലിയ തോതില് ആള്ക്കൂട്ടം ഉളളതിനാലും കുട്ടി ഈ സമയം വലിയ ആള്ക്കൂട്ടം കണ്ടാല് മാനസികമായുണ്ടാകുന്ന പ്രശ്നങ്ങളും കണക്കിലെടുത്താണ് ആശുപത്രിയിലേക്ക് മാറ്റുന്നത്. തുടര്ന്ന് ക്ഷീണം മാറിയ ശേഷം ബുധനാഴ്ച വീട്ടിലെത്തിക്കുമെന്നാണ് അറിയുന്നത്.
ആശ്രാമം മൈതാനത്ത് നിന്നും അമ്മയുടെ ഫോണിലേക്ക് വീഡിയോ കോള് ചെയ്ത് കുട്ടിയെ കാണിച്ചു കൊടുത്തിരുന്നു.കുട്ടിയെ കണ്ടെത്താന് സഹായിച്ചതിനും തങ്ങള്ക്കൊപ്പം നിന്നതിനും കുട്ടിയുടെ മാതാവ് പൊലീസിനും മാധ്യമ പ്രവര്ത്തകര്ക്കും രാഷ്ട്രീയ പ്രവര്ത്തകര്ക്കും നാട്ടുകാര്ക്കും മത മേലധ്യക്ഷകര്ക്കും വിവിധ സംഘടനകള്ക്കും നന്ദി പറഞ്ഞു.
