വിവാദ പ്രസംഗവുമായി  മന്ത്രി;ബോളിവുഡും ഹോളിവുഡും ഇനി തെലങ്കാന ഭരിക്കും; മുംബൈയിൽ നിന്ന് ഹൈദരാബാദിലേക്ക് ഷിഫ്റ്റ്.ചെയ്യൂ ”: പൊട്ടിച്ചിരിച്ച് രൺബീർ കപൂർ

അടുത്ത അഞ്ച് വർഷത്തിനുള്ളിൽ ഹോളിവുഡും ബോളിവുഡും ഭരിക്കുന്നത് തെലുങ്ക് ജനതയായിരിക്കുമെന്ന് ബിആർഎസ് മന്ത്രി ചമകുര മല്ല റെഡ്ഡി. ബോളിവുഡ് താരം രൺബീർ കപൂറിന് വൈകാതെ ഹൈദരാബാദിലേക്ക് ഷിഫ്റ്റ് ചെയ്യേണ്ടി വരുമെന്നും തെലങ്കാന മന്ത്രി പരിഹസിച്ചു.

”ലിസൺ രൺബീർ കപൂർ, അടുത്ത 5 വർഷത്തിനുള്ളിൽ ഹോളിവുഡും ബോളിവുഡും തെലുങ്ക് ജനത ഭരിക്കും. ഒരു വർഷത്തിനകം രൺബീറിന് ഹൈദരാബാദിലേക്ക് ഷിഫ്റ്റ് ചെയ്യേണ്ടി വരും. മുംബൈ പഴയതായി. ബെംഗളൂരുവിൽ ആണെങ്കിൽ ട്രാഫിക് ജാമും. ഹൈദരാബാദ് നഗരമാണ് ഇനി ഇന്ത്യ ഭരിക്കാൻ പോകുന്നത്.

‘അനിമൽ’ സിനിമയുടെ പ്രചരണാർത്ഥം രൺബീർ കപൂർ ഹൈദരാബാദിലെത്തിയപ്പോഴായിരുന്നു മന്ത്രിയുടെ വാക്കുകൾ. ചിത്രത്തിന്റെ അണിയറപ്രവർത്തകർ ഇരിക്കുന്ന വേദിയിൽ വച്ച് മല്ല റെഡ്ഡി നടത്തിയ പ്രസ്താവന കേട്ട് രൺബീർ അടക്കമുള്ള താരങ്ങൾ ഇതുകേട്ട് ചിരിക്കുകയായിരുന്നു .